ఎల్లారెడ్డిపేట,వెలుగు: బీజేపీ కార్యకర్తలకు అధికార పార్టీకి నాయకులు ప్రలోభపెడితే అమ్ముడుపోరని సిరిసిల్ల బీజేపీ ఎమ్యెల్యే అభ్యర్థి రాణి రుద్రమ అన్నారు. గురువారం ఆమె ఎల్లారెడిపేట మండల కేంద్రంలో బీజేపీ కార్యాలయాన్ని ప్రారంభించారు. ఈ సందర్బంగా రాణి రుద్రమ మాట్లాడుతూ బీఆర్ఎస్ నాయకులు బీజేపీ నాయకులను ప్రలోభ పెడుతున్నారన్నారు. మీరు ఎంత డబ్బు ఆశ చూసిన బీజేపీ నాయకులు వారి సిద్దాంతాలను మార్చుకోరన్నారు. బీజేపీ కార్యకర్తలను వేధిస్తే ఊరుకోబోమన్నారు. .సిరిసిల్లలో గడ్డపై కాషాయ జెండా ఎగురవేస్తామన్నారు.ఆమె వెంట బీజేపీ జిల్లా ఇన్చార్జి గంగాడిమోహన్ రెడ్డి, జిల్లా ప్రధాన కార్యదర్శి రెడ్డబోయిన గోపి, నియోజక వర్గ అసెంబ్లీ ఇంచార్జ్ మల్లారెడ్డి,సిరిసిల్ల మున్సిపల్ మాజీ చైర్మన్ ఆడేపు రవీందర్,మండల అద్యక్షుడు తిరుపతిరెడ్డి,నేవూరి దేవేందర్ రెడ్డి, సత్యంరెడ్డి పాల్గోన్నారు.
