10 మందితో కమిటీ
హైదరాబాద్, వెలుగు: ‘పల్లె గోస... బీజేపీ భరోసా’ పేరుతో 21 నుంచి తెలంగాణ వ్యాప్తంగా అన్ని అసెంబ్లీ నియోజకవర్గాల్లో టీఆర్ఎస్ సర్కార్ వైఫల్యాలపై బైక్ ర్యాలీలు చేపట్టాలని ఆ పార్టీ రాష్ట్ర నాయకత్వం నిర్ణయించింది. బైక్ ర్యాలీలను సక్సెస్ చేయడం కోసం స్టేట్ పార్టీ 10 మంది సభ్యులతో ప్రత్యేక కమిటీని నియమించింది. ఇందులో పార్టీ రాష్ట్ర ప్రధాన కార్యదర్శి ప్రేమేందర్ రెడ్డితో పాటు రాష్ట్ర బీజేపీ నేతలు కాసం వెంకటేశ్వర్లు, భరత్ గౌడ్, మురళీధర్ గౌడ్, మహిపాల్ రెడ్డి, ఇతర లీడర్లున్నారు. ఈ కమిటీ రాష్ట్రంలోని అన్ని నియోజకవర్గాల్లో బైక్ ర్యాలీల సక్సెస్ కోసం ఎప్పటికప్పుడు ఆయా నియోజకవర్గ నేతలతో చర్చిస్తుంటుంది. పూర్తి స్థాయిలో సక్సెస్ కోసం పని చేస్తుంది.
