పిల్లలను ఒక వయసు వచ్చేదాకా మనం ఏ పనిలో ఉన్నా ఓ కంట కనిపెడుతూ ఉండాలి. ఆదమరిస్తే.. క్షణం చాలు పిల్లలు తెలిసీతెలియక ప్రాణాల మీదకు తెచ్చుకుంటారు. బెంగళూరులో అదే జరిగింది. ఈ వీడియోలో కనిపించిన దృశ్యం చూసి నెటిజన్లు ఉలిక్కిపడ్డారు. 18 నెలల చిన్నారి ఫస్ట్ ఫ్లోర్ నుంచి నేరుగా కింద పడింది. బెంగళూరులోని నయనదహళ్లి ప్రాంతంలో ఈ విషాద ఘటన జరిగింది. ఏప్రిల్ 6వ తేదీ సాయంత్రం ఈ ఘటన జరిగింది.
📍Bengaluru, Karnataka: An 18-month-old baby girl fell from the third floor of a house in Nayandahalli after reportedly slipping from a balcony or open window.pic.twitter.com/kpoCCo2tYT
— Deadly Kalesh (@Deadlykalesh) April 9, 2026
ఏడాదిన్నర వయసున్న చిన్నారి తన ఇంటి మొదటి అంతస్తు నుంచి కిందపడి గాయపడింది. ఈ దృశ్యాలు సీసీటీవీలో రికార్డు కావడంతో విషయం బయటికొచ్చింది. క్షణాల్లోనే అంతా జరిగింది. తల్లి వంట గదిలో ఉండగా పాప ఆడుకుంటూ ఫస్ట్ ఫ్లోర్లో బాల్కనీ వైపు ఉన్న గ్రిల్స్ వైపు వచ్చి ఆడుకుంటూ ఉంది. అయితే.. గ్రిల్స్ బాల్కనీ మొత్తం లేకపోవడంతో ఆ పాప ఆడుకుంటూ బ్యాలెన్స్ కోల్పోయి బాల్కనీ నుంచి రోడ్డు మీదకి పడిపోయింది. అంత ఎత్తు నుంచి పడటంతో చిన్నారి తలకు తీవ్ర గాయమైంది.
Also Read : మటన్ ముక్క గొంతులో ఇరుక్కొని వ్యక్తి మృతి
ఉలుకూపలుకూ లేకుండా పడి ఉన్న చిన్నారిని స్థానికులు గమనించి ఇంట్లో వాళ్లకు సమాచారం ఇచ్చారు. చిన్నారి తల్లి ఏడ్చుకుంటూ వచ్చి చూడగా కూతురు తలకు తీవ్ర గాయమై రక్తం కారిపోతూ ఉంది. ఆ షాక్లో పాప తల్లి స్పృహ కోల్పోయింది. తల్లీ, కూతురిని.. ఇద్దరినీ హుటాహుటిన పాపను ప్రైవేట్ హాస్పిటల్కు తరలించారు. పాపకు ఐసీయూలో చికిత్స అందించారు. తలకు గాయమైనప్పటికీ అదృష్టవశాత్తూ ప్రాణాపాయం తప్పిందని.. పాప కోలుకుంటుందని వైద్యులు తెలిపారు. ఈ ఘటనపై పోలీసులు సమాచారం అందుకున్నారు. ఈ ఘటనకు ఎవరినీ బాధ్యులుగా భావించడం లేదని ఆ చిన్నారి తండ్రి పోలీసులకు తెలిపారు.
