ఆస్ట్రేలియాలోని ఓ సరస్సు పింక్ కలర్ లోకి మారడం ఇటీవలి కాలంలో చర్చనీయాంశంగా మారింది. అక్టోబర్ 2, సోమవారం ఈ వైరల్ ఫొటోతో రెడ్డిట్ పోస్ట్ సంచలనం సృష్టించింది. ఈ ఫొటోలో చిత్తడి నేలలో పచ్చని చెట్ల మధ్య ఈ సరస్సు గులాబీ రంగులోకి మారిన దృశ్యాన్ని చూపిస్తోంది. సరస్సులో సడెన్ గా వచ్చిన ఈ మార్పుకు కారణమేమిటో తెలియక, నీరు కలుషితమై ఉండొచ్చని పలువురు భావిస్తున్నారు. "బూండాల్ వెట్‌ల్యాండ్స్ కొద్దిగా కాలుషితంగా కనిపిస్తోంది" అని యూజర్ ఈ ఫొటోకు క్యాప్షన్ ఇచ్చారు.
ఈ ఫొటో ఆన్‌లైన్‌లో కనిపించిన వెంటనే నెటిజన్లు పలురకాలుగా స్పందించడం మొదలుపెట్టారు. నిషిద్ధ స్ట్రాబెర్రీ పాలు దీన్ని కొంతమంది పిలవగా.. చాలా మంది అది బార్బీస్ కాఫీలాగా ఉందని చెప్పారు. అసాధారణమైన రంగు గురించి ఆసక్తిగా ఉన్న ఒకరు, "ఉప్పు ఆల్గేను గులాబీ రంగులోకి మార్చిందా?" అని మరొకరు ఊహించారు. "ఈ చిత్తడి నేలలు ఎటువంటి అలల ప్రవాహాన్ని పొందినట్లు కనిపించడం లేదు. అది ఎండిపోవటం వలన కావచ్చు" అని ఇంకొకరు అన్నారు.
కొన్ని సార్లు గాలి వీచినపుడు ఈ తరహా మార్పులు కనిపిస్తాయని, అవి కొద్దిసేపే ఉంటాయని, ఆపై గాలి లేదా అలలు లేదా ఏదైనా వాటిని మళ్లీ చెదరగొట్టవచ్చు, ఆ తర్వాత ఈ రంగును చూడలేరని గ్రిఫిత్ విశ్వవిద్యాలయానికి చెందిన ప్రొఫెసర్ మిచెల్ బర్ఫోర్డ్ చెప్పారు. ప్రస్తుతం ఈ పరిస్థితిని పర్యవేక్షిస్తున్నారని బ్రిస్బేన్ సిటీ కౌన్సిల్ లార్డ్ మేయర్ అడ్రియన్ ష్రిన్నర్ ఒక అధికారిక ప్రకటనలో తెలిపారు. ఇది సహజమైనదేనని, దీని వల్ల ఎలాంటి ప్రమాదం లేదన్నారు. కానీ చిత్తడి నేలల దగ్గరికి వెళ్లమని మాత్రం అధికారులు సందర్శకులను సిఫారసు చేయలేదు. దీని వలన కొన్నిసార్లు ప్రతికూల చర్యలు సంభవిస్తాయని హెచ్చరిస్తున్నారు. దీనికి తోడు, బ్రిస్బేన్ సిటీ కౌన్సిల్ ప్రతినిధి కూడా ఈ మార్పు తాత్కాలికమేనని తెలిపారు. భవిష్యత్తులో ప్రజలు గులాబీ రంగును చూడకపోవచ్చన్నారు.
