జూలూరుపాడు, వెలుగు : బీఆర్ఎస్ కార్యక్రమాలకు సంబంధించి తెలంగాణ ఉద్యమకారులకు, పార్టీ సీనియర్ నేతలకు సమాచారం ఇవ్వకుంటే తమ కార్యాచరణను ప్రకటిస్తామని ఆ పార్టీ ఉమ్మడి ఖమ్మం జిల్లా ప్రధాన కార్యదర్శి వేల్పుల నరసింహరావు స్పష్టం చేశారు. గురువారం జూలూరుపాడు ఏవీఆర్ఫంక్షన్ హాలులో ఆయన అసమ్మతి నేతలతో కలిసి మీడియాతో మాట్లాడారు. వైరా బీఆర్ఎస్ అభ్యర్థి ఏకపక్షంగా వ్యవహరిస్తున్నారని, ఉద్దేశపూర్వకంగా కొందరిని పక్కన పెడుతున్నారని అసహనం వ్యక్తం చేశారు. ఇటీవల నిర్వహించిన పలు కార్యక్రమాలు, సమావేశాలకు పిలవలేదని చెప్పారు.
ALSO READ: దేశానికే అన్నం పెట్టే స్థాయికి ఎదిగినం : కడియం శ్రీహరి
జనంలోకి తప్పుడు సంకేతాలు వెళ్తున్నాయన్నారు. 14 ఏండ్లుగా కేసీఆర్నాయకత్వంలో పనిచేస్తున్నవారిని అవమానించడం కరెక్ట్కాదన్నారు. ఇలాగే ఉంటే వైరాలోని 5 మండలాల తెలంగాణ ఉద్యమకారులతో చర్చించి భవిష్యత్కార్యాచరణ ప్రకటిస్తామని తెలిపారు. సమావేశంలో బీఆర్ఎస్ వైరా నియోజకవర్గ నాయకులు భూక్యా దేవిలాల్ నాయక్, బానోత్ బిక్కు నాయక్, రవికుమార్, లావుడియా దంజు నాయక్, వాంకుడోత్ బాలు తదితరులు పాల్గొన్నారు.
