నల్లబెల్లి, వెలుగు: రానున్న స్థానిక సంస్థల ఎన్నికల్లో ప్రతి కార్యకర్త పార్టీ గెలుపే లక్ష్యంగా పని చేయాలని నర్సంపేట మాజీ ఎమ్మెల్యే పెద్ద సుదర్శన్రెడ్డి పిలుపునిచ్చారు. వరంగల్ జిల్లా నల్లబెల్లిలో శుక్రవారం బీఆర్ఎస్ అధ్యక్షుడు బానోతు సారంగపాణి అధ్యక్షతన సమావేశం ఏర్పాటు చేశారు. ఈ సందర్భంగా మాజీ ఎమ్మెల్యే మాట్లాడుతూ బీఆర్ఎస్ హయాంలో నర్సంపేట నియోజకవర్గ అభివృద్ది కోసం రెండు వందల కోట్లు నిధులు తీసుకువచ్చినట్లు గుర్తుకు చేశారు.
స్థానిక ఎమ్మెల్యే మాధవరెడ్డి అంతర్గత రోడ్ల నిర్మాణాలు చేయకుండా కాలయాపన చేస్తున్నారని ఆరోపించారు. అంతకుముందుగా నల్లబెల్లికి చెందిన పలువురు యువకులు సుదర్శన్రెడ్డి సమక్షంలో బీఆర్ఎస్లో చేరారు. కార్యక్రమంలో బీఆర్ఎస్ నాయకులు తదితరులు పాల్గొన్నారు.
