మేడిపల్లి, వెలుగు: సీనియర్స్ ర్యాగింగ్కు ఓ బీటెక్ విద్యార్థి బలయ్యాడు. ఆదిలాబాద్ జిల్లా ఉట్నూర్కు చెందిన జాదవ్ సాయితేజ నారపల్లిలోని సిద్దార్థ ఇంజినీరింగ్ కాలేజీలో బీటెక్ సెకండియర్ చదువుతున్నాడు. కాలేజీ హాస్టల్లోనే ఉంటున్నాడు. ఆయనపై సీనియర్ స్టూడెంట్స్ ర్యాగింగ్ చేయడంతో పాటు మానసిక ఒత్తిడికి గురిచేశారు. మద్యం తాగించాలని బార్కి తీసుకువెళ్లారని, మద్యం తాగాక బిల్లు కట్టాలని ఒత్తిడి చేశారని సాయితేజ సెల్ఫీ వీడియో తీసి తండ్రికి పంపాడు.
అంతేగాకుండా ఆయనపై దాడికి పాల్పడినట్లు పేర్కొన్నాడు. సీనియర్స్వేధింపులు తట్టుకోలేక ఆదివారం రాత్రి హాస్టల్లోనే ఉరి వేసుకుని ఆత్మహత్య చేసుకున్నాడు. దాడి సమయంలో సీనియర్స్తో పాటు బయటి వ్యక్తులు కూడా ఉన్నట్లు తల్లిదండ్రులు అనుమానం వ్యక్తం చేస్తున్నారు. ఈ ఘటనలో కేసు విషయమై పోలీసులు తాత్సారం చేస్తున్నారంటూ సోమవారం మృతుడి బంధువులు మేడిపల్లి పోలీస్ స్టేషన్ ముందు ఆందోళనకు చేశారు. డెడ్బాడీని గాంధీ మార్చురీకి తరలించి కేసు దర్యాప్తు చేస్తున్నట్లు సీఐ గోవిందరెడ్డి తెలిపారు.
