ఇబ్రహీంపట్నం, వెలుగు: మంత్రివర్గంలో గడ్డం వివేక్ వెంకటస్వామికి చోటు ఇవ్వడం హర్షనీయమని రాష్ట్ర మాల ఉద్యోగుల సంఘం నాయకుడు భర్తాకి కరుణాకర్ అన్నారు. సోమవారం (June 9) రంగారెడ్డి జిల్లా ఇబ్రహీంపట్నంలోని అంబేద్కర్ చౌరస్తాలో మాల ఉద్యోగుల సంఘం, అంబేడ్కర్ సేవా సంఘం ఆధ్వర్యంలో సంబురాలు చేసుకున్నారు. అంబేద్కర్ విగ్రహానికి పూలమాల వేసి, బాణసంచా కాల్చి స్వీట్లు పంచారు.
ఈ సందర్భంగా కరుణాకర్ మాట్లాడుతూ.. దళితుల అభ్యున్నతికి పోరాడుతున్న వివేక్ కు మంత్రి ఇవ్వడంతో సామాజిక న్యాయం జరిగిందన్నారు. మహానాడు జిల్లా నాయకుడు, మాజీ కౌన్సిలర్ భర్తాకి జగన్ మాట్లాడుతూ.. దలిత ముద్దు బిడ్డకు సముచిత స్థానం కల్పించిన కాంగ్రెస్కు ధన్యవాదాలు తెలిపారు.
ఈ కార్యక్రమంలో అంబేడ్కర్ సేవా సంఘం అధ్యక్షుడు బండి నర్సింగ్ రావ్, మాల మహానాడు జిల్లా అధ్యక్షుడు బండి మహేశ్, ఉద్యోగులు కొరివి రవి, యాలాల శ్రావణ్, నూకలు ఆనంద్, లకుమాళ్ల కిరణ్, యాంజల లక్ష్మయ్య, దాసరి మురళి తదితరులు పాల్గొన్నారు.
