సంగారెడ్డి జిల్లా కోహీర్‌లో నిర్మాణంలో ఉన్న చర్చి కూలింది. స్థానికులు తెలిపిన వివరాల ప్రకారం.. చర్చి స్లాబ్‌ వేస్తుండగా చెక్కలు ఒక్కసారిగా కూలీలపై పడి.. 8 మందికి తీవ్ర గాయాలయ్యాయి. క్షతగాత్రులను స్థానిక ప్రభుత్వ ఆసుపత్రికి తరలించారు. ఈ ప్రమాదంలో శిథిలాల్లో మరో నలుగురు చిక్కుకున్నారు. వారి కోసం సహాయక చర్యలు కొనసాగుతున్నాయి.
క్షతగాత్రులు యూపీకి చెందిన వారిగా సమాచారం. సమాచారం అందుకున్న పోలీసులు ఘటనా స్థలానికి చేరుకొని దర్యాప్తు చేపట్టారు.
