నిజామాబాద్, వెలుగు: వినాయక నిమజ్జన శోభాయాత్రకు ఏర్పాట్లు చేయాలని కలెక్టర్ రాజీవ్గాంధీ హనుమంతు అధికారులను ఆదేశించారు. మంగళవారం ఆయన పలు శాఖల ఆఫీసర్లతో సమీక్ష నిర్వహించారు. నగరంలోని దుబ్బ ఏరియా నుంచి సార్వజనిక్ గణేశ్ మండలి శోభాయాత్ర ప్రారంభమవుతుందన్నారు. భారీ విగ్రహాలన్నీ బాసర సమీపంలోని గోదావరిలో నిమజ్జనం చేస్తారన్నారు. యాత్ర కొనసాగే రోడ్ల రిపేర్లను యుద్ధప్రతిపాదికన చేయాలన్నారు. నిమజ్జన పాయింట్ల వద్ద క్రేన్లతో పాటు గజ ఈతగాళ్లను అందుబాటులో ఉంచాలని సూచించారు. జిల్లా కేంద్రంతో పాటు ఆర్మూర్, బోధన్ పట్టణాల్లోని సమస్యాత్మక ప్రాంతాలను గుర్తించి లా అండ్ఆర్డర్ సమస్య ఉత్పన్నం కాకుండా చూడాలన్నారు.
అల్లర్లు చేస్తే కఠిన చర్యలు
మిలాద్–-ఉన్‌-నబీ, గణేశ్ ఉత్సవాలు ఒకేసారి వచ్చినందున అలర్ట్గా ఉండాలని మాజీ మంత్రి, బోధన్ ఎమ్మెల్యే సుదర్శన్రెడ్డి సూచించారు. అల్లర్లు చేసే వారి పట్ల కఠినంగా వ్యవహరిస్తామన్నారు. సీపీ కల్మేశ్వర్, నగర పాలక కమిషనర్ మంద మకరంద్, బోధన్ సబ్ కలెక్టర్ వికాస్ మహతో, అదనపు డీసీపీ కోటేశ్వర్రావు తదితరులు పాల్గొన్నారు.
