ఆర్మూర్, వెలుగు: నిజామాబాద్ జిల్లా ఏర్గట్ల మండలం తాళ్లరాంపూర్గ్రామానికి చెందిన 49 కుటుంబాలను బహిష్కరించిన గ్రామాభివృద్ధి కమిటీ చర్యను ప్రతి ఒక్కరూ ఖండించాలని జిల్లా గీత కార్మిక గౌడ సంఘం అధ్యక్షుడు దేగాం యాదాగౌడ్ కోరారు. ఆర్మూర్లో గురువారం మీడియా సమావేశంలో ఆయన మాట్లాడుతూ.. రెండేండ్లుగా కల్లు వృత్తిపై ఆధారపడి జీవనం కొనసాగిస్తున్న వారిని కక్షతో వీడీసీ సభ్యులు వేధిస్తున్నారని మండిపడ్డారు.
సాంఘిక బహిష్కరణపై రాజకీయ నాయకులు స్పందించాలని కోరారు. సమావేశంలో గౌడ సంఘం ప్రతినిధులు జి.లింగం గౌడ్, శ్రీనివాస్గౌడ్, గంగాధర్గౌడ్, రాజేందర్ గౌడ్, పూర్ణచందర్గౌడ్, సురేందర్గౌడ్తదితరులు ఉన్నారు.
