జూబ్లీహిల్స్, వెలుగు: ఓ హాస్పిటల్లో కాంపౌండర్గా చేస్తూ.. క్లినిక్ ఓపెన్చేసి, వైద్యం చేస్తున్న వ్యక్తిపై కేసు నమోదైంది. మధురానగర్ పోలీసులు తెలిపిన వివరాల ప్రకారం.. అన్నమదాసు రామకృష్ణ రహమత్ నగర్ చౌరస్తాలోని అశోక్ రావు హాస్పిటల్లో కాంపౌండర్. ఇతను బంగారు మైసమ్మ ఆలయ సమీపంలో సాయి జనార్ధన్ పేరుతో క్లినిక్ నడిపిస్తూ డాక్టర్ గా చెలామణి అవుతున్నాడు.
డబ్బు సంపాదనే ధ్యేయంగా అర్హత లేకున్నా తెలిసీ తెలియని వైద్యం చేస్తున్నాడు. ఈ విషయమై పోలీసులకు సమాచారం అందడంతో కొందరు స్థానికులను బుధవారం సాయంత్రం క్లినిక్ కు పంపారు. వీరు వెళ్లేసరికి అతను కొందరు పేషెంట్లకు వైద్యం చేస్తున్నాడు.
దీంతో పోలీసులు వచ్చి వివిధ వైద్య పరికరాలు, మందులు, ఇంజెక్షన్లు, రబ్బర్స్టాంప్, ప్రిస్క్రిప్షన్ ప్యాడ్ను స్వాధీనం చేసుకున్నారు. రామకృష్ణపై కేసు నమోదు చేసినట్లు పేర్కొన్నారు.
