నాగర్ కర్నూల్ టౌన్, వెలుగు: ఈ నెల 31న కొల్లాపూర్ కు ఏఐసీసీ నేత ప్రియాంక గాంధీ వస్తున్నట్లు కాంగ్రెస్ పార్లమెంట్ ఇన్చార్జి పీవీ మోహన్, డీసీసీ అధ్యక్షుడు వంశీకృష్ణ తెలిపారు. శుక్రవారం కాంగ్రెస్ ఆఫీస్లో మీడియాతో మాట్లాడుతూ కొల్లాపూర్ లో నిర్వహించే పాలమూరు ప్రజాభేరి సభకు 2 లక్షల మందిని తరలిస్తున్నట్లు తెలిపారు.
పార్లమెంట్లోని ఏడు స్థానాలు గెలుస్తామని ధీమా వ్యక్తం చేశారు. రాష్ట్ర ప్రభుత్వం రియల్ ఎస్టేట్ వ్యాపారం చేస్తోందని విమర్శించారు. బీఆర్ఎస్ నేతలు ప్రజలను భయభ్రాంతులకు గురి చేస్తున్నారని ఆరోపించారు. జడ్పీటీసీలు రోహిణి, సుమిత్ర, హబీబ్, శ్రీనివాస్ పాల్గొన్నారు.
