ఏటూరునాగారం/మహా ముత్తారం, వెలుగు: గవర్నమెంట్ స్కూల్స్ ప్రారంభమైన రెండో రోజే భూపాలపల్లి, ములుగు జిల్లాల్లో ముగ్గురు స్కూల్ టీచర్లకు కరోనా పాజిటివ్ వచ్చింది. ఏటూరునాగారం జడ్పీ స్కూల్కు మొదటి రోజు 120 మంది, రెండో రోజు 210 మంది స్టూడెంట్లు హాజరయ్యారు. రెండు రోజులుగా క్లాస్లు తీసుకుంటున్న ఇద్దరు టీచర్లకు స్వల్పంగా కరోనా లక్షణాలు కనపడడంతో గురువారం టెస్టులు చేయించుకోగా పాజిటివ్గా తేలింది. ఇద్దరు టీచర్లను హోం ఐసోలేషన్కు పంపినట్లు ఎంఈవో చెప్పారు. జయశంకర్ భూపాలపల్లి జిల్లా మహాముత్తారం మండలం మాదారం ప్రైమరీ స్కూల్ హెచ్ఎంకు జ్వరం రావడంతో పాటు వాసన, రుచి పోయింది. కరోనా టెస్ట్ చేయించగా పాజిటివ్ వచ్చింది.
