జూపార్క్ లో కరోనా సోకిన సింహాలు కోలుకుంటున్నాయి 

V6 Velugu Posted on May 04, 2021

హైదరాబాద్: తెలంగాణలో కరోనా మహమ్మారి విజృంభణ కొనసాగుతున్న వేళ హైదరాబాద్‌ లోని నెహ్రూ జూలాజికల్ పార్క్‌లో 8 ఆసియా సింహాలు కరోనా బారినపడ్డ విషయం తెలిసిందే. అయితే కోవిడ్ సోకిన 8 సింహాలు ప్రస్తుతం కోలుకుంటున్నాయని తెలిపారు జూ అధికారులు. సింహాల్లో కరోనా లక్షణాలు కనిపించడంతో గత నెల 24న నమూనాలు సేకరించిన జూ అధికారులు ..వాటిని పరీక్షల కోసం సీసీఎంబీకి పంపించారు. ఇటీవల పరీక్షల ఫలితాలు రాగా ఆ ఎనిమిది సింహాలకు కరోనా వైరస్ సోకినట్లు నిర్ధారణ అయింది. దీంతో అప్రమత్తమైన అధికారులు సింహాలను ఐసోలేషన్‌లో ఉంచారు. అలాగే, వాటికి అవసరమైన చికిత్స అందిస్తున్నారు. ప్రస్తుతం సింహాలు సాధారణంగానే ఉన్నాయని, బాగానే ఆహారం తీసుకుంటున్నాయని జూ అధికారులు తెలిపారు. అలాగే, ముందు జాగ్రత్త చర్యగా సందర్శకులను నిలిపివేశామని తెలిపారు. 

కేసుల సంఖ్య పెరుగుతున్న క్రమంలో జంతు ప్రదర్శనశాలలు చేపట్టాల్సిన జాగ్రత్తలపై మార్గదర్శకాలు, సలహాల జారీ చేశామని సంబంధిత కేంద్ర ప్రభుత్వ శాఖ అధికారులు తెలిపారు. ఈ క్రమంలోనే సెంట్రల్ జూ అథారిటీ అనేక ముందస్తు చర్యలు తీసుకుంది. నివారణ, నమూనా సేకరణ, అనుమానిత కేసులలో గుర్తించడం, జంతు సంరక్షకుల కోసం భద్రతా ప్రోటోకాల్స్ మొదలైన వాటి కోసం పర్యవేక్షణ అండ్ మార్గదర్శకాలు ఇచ్చామని సెంట్రల్ జూ అథారిటీ తెలిపింది. శాస్త్రీయ సంస్థలు, నిపుణులతో సంప్రదించి జంతు ప్రదర్శనశాలలకు సూచించబడ్డాయి. తర్వాతి దశల్లో భాగంగా, నిపుణులతో సంప్రదించి కోవిడ్ జాగ్రత్తల కోసం కొత్త మార్గదర్శకాలను మరింత అభివృద్ధి చేస్తున్నారు.  గత సంవత్సరం ప్రపంచంలోని SARS-COV2 పాజిటివ్‌ను అనుభవించిన జూ జంతువులతో అనుభవం ఆధారంగా, జంతువులు ఈ వ్యాధిని మానవులకు వ్యాప్తి చేయగలవని ఎటువంటి వాస్తవమైన ఆధారాలు లభించలేదు.

Tagged corona, recovering, infected, lions, , hyderabad zoo park

Latest Videos

Subscribe Now

More News