మెహిదీపట్నం, వెలుగు: శాంతి భద్రతలకు ఇబ్బంది కలిగిస్తే సీరియస్ యాక్షన్ తీసుకుంటామని కుల్సుంపురా అడిషనల్ డీసీపీ మహ్మద్ అష్పక్, ఏసీపీ మహ్మద్ జావేద్ హెచ్చరించారు. కుల్సుంపురా డివిజన్ పరిధిలోని రౌడీషీటర్లకు సోమవారం కౌన్సెలింగ్ ఇచ్చారు.
ఈ సందర్భంగా డీసీపీ, ఏసీపీ మాట్లాడుతూ.. టప్పాచబుత్ర, గుడిమల్కాపూర్, కుల్సుంపురా పీఎస్ల పరిధిలో సుమారు 60 మంది రౌడీషీటర్లు ఉన్నారన్నారు. వీరిపై ఎప్పటికప్పుడు నిఘా ఉంటుందన్నారు. ఇల్లీగల్ యాక్టివిటీస్ కు పాల్పడటం, లా అండ్ ఆర్డర్కు విఘాతం కలిగిస్తే పీడీ యాక్ట్ పెట్టి జైలుకు తరలిస్తామన్నారు. కార్యక్రమంలో సీఐలు, పోలీస్ సిబ్బంది పాల్గొన్నారు.
