- ముగ్గురికి తీవ్రగాయాలు
- సంగారెడ్డి జిల్లా మునిపల్లిలో ఘటన
సంగారెడ్డి/మునిపల్లి, వెలుగు: ఆర్టీసీ బస్సుకు కరెంటు వైర్లు తగలడంతో ముగ్గురికి తీవ్ర గాయాలయ్యాయి. సంగారెడ్డి జిల్లా మునిపల్లిలో బుధవారం ఉదయం ఈ ఘటన జరిగింది. పోలీసులు, ప్రత్యక్షసాక్షులు వివరాల ప్రకారం.. సంగారెడ్డి డిపోకు చెందిన ఆర్టీసీ బస్సు మునిపల్లి చౌరస్తా మీదుగా బుదేరా నుంచి సదాశివపేటకు వెళుతోంది. మక్తక్యాసారం గ్రామంలో ప్రయాణికులతో పాటు స్టూడెంట్స్ను ఎక్కించుకున్నారు. పిల్లలను మునిపల్లి చౌరస్తాలో దించాల్సి ఉండగా పక్కనే ఉండడంతో నేరుగా మోడల్ స్కూల్వరకు తీసుకెళ్లి దింపారు. అనంతరం డ్రైవర్ రివర్స్తీసుకునే క్రమంలో విద్యుత్వైర్లు బస్సును తాకాయి. దాంతో ఒక్కసారిగా బస్సు కింది భాగంలో మంటలు చెలరేగాయి. ఆ సమయంలో బస్సులో దాదాపు 70 మందికి పైగా ప్రయాణికులు ఉన్నారు. విషయం తెలుసుకున్న విద్యుత్ సిబ్బంది వెంటనే పవర్ సప్లై నిలిపివేశారు. దీంతో పెను ప్రమాదం తప్పింది. క్షతగాత్రుల్లో మన్సన్పల్లి గ్రామానికి చెందిన స్టూడెంట్ గీత, పెద్దలోడికి చెందిన స్టూడెంట్ జగన్, మన్సాన్పల్లి నర్సింగ్ గౌడ్ఉన్నారు. తీవ్రంగా గాయపడ్డ ఈ ముగ్గురిని ముందుగా జిల్లా కేంద్రమైన సంగారెడ్డి ప్రభుత్వ హాస్పిటల్ కు అక్కడి నుంచి మెరుగైన చికిత్స కోసం హైదరాబాద్లోని కిమ్స్ కు తరలించారు. బాధిత కుటుంబసభ్యుల ఫిర్యాదు మేరకు ఆర్టీసీ డ్రైవర్షకీల్పై కేసు నమోదు చేసి దర్యాప్తు చేస్తున్నట్లు మునిపల్లి ఎస్సై మహేశ్వర్రెడ్డి చెప్పారు.
For More News..
