న్యూఢిల్లీ: సమతా పార్టీ మాజీ ప్రెసిడెంట్ జయ జైట్లీకి ఢిల్లీ కోర్టు నాలుగేళ్ల జైలు శిక్ష విధించింది. 2000–01 డిఫెన్స్ డీల్‌ కేసు విషయంలో జయతోపాటు సంబంధాలు ఉన్న మరో ఇద్దరికి కూడా 4 ఏళ్ల జైలు శిక్ష పడిందని ఓ లాయర్ తెలిపారు. జయ పార్టీ మాజీ సహచరుడు గోపాల్ పచెర్వాల్‌తోపాటు మేజర్ జనరల్ (రిటైర్డ్‌) ఎస్‌పీ ముర్గయ్‌ కేసులో స్పెషల్ సీబీఐ జడ్జి వీరేందర్ భట్‌కు నాలుగేళ్ల శిక్ష పడిందని అడ్వకేట్ విక్రమ్ పన్వార్ చెప్పారు. కెమెరాతో జరిగిన ప్రొసీడింగ్స్‌లో ముగ్గురు దోషులకు కోర్టు రూ.1 లక్ష ఫైన్ విధించింది. గురువారం 5 గంటల్లోగా వీరిని లొంగిపోవాల్సిందిగా ఆదేశించింది. థర్మల్ ఇమేజర్స్‌ కొనుగోలులో పై దోషులు కుట్రకు పాల్పడ్డారు. 2001 జవనరిలో న్యూస్ పోర్టల్ తెహెల్కా విడుదల చేసిన ఆపరేషన్ వెస్టెండ్‌తో ఈ కుట్ర బయటపడింది.
