- లాసా వైమానిక స్థావరంలో రన్ వే నిర్మించిన డ్రాగన్ కంట్రీ
- చైనా వద్ద ‘‘సోరింగ్ డ్రాగన్” డ్రోన్లు
- మాక్సర్ టెక్నాలజీ శాటిలైట్ ఫొటోలతో వెలుగులోకి..
న్యూఢిల్లీ: అరుణాచల్ ప్రదేశ్లోని తవాంగ్ సెక్టార్లో ఘర్షణ తర్వాత చైనా ఆర్మీ టిబెట్ ఎయిర్ బేస్లో అత్యాధునిక డ్రోన్లు, ఫైటర్ జెట్లను మోహరించింది. మాక్సర్ టెక్నాలజీ శాటిలైట్ ఫొటోలతో ఈ విషయం బయటపడింది. మన నార్త్ఈస్ట్ను లక్ష్యంగా చేసుకుని ఈ సామగ్రిని బార్డర్కు తీసుకొచ్చినట్టు తెలుస్తోంది. ఇప్పటికే అలర్ట్ అయిన ఇండియన్ ఆర్మీ.. సరిహద్దు వెంట పెట్రోలింగ్ పెంచింది. అరుణాచల్ బార్డర్కు ఈశాన్యంగా 150 కి.మీ దూరంలో ఉన్న బ్యాంగ్డా ఎయిర్బేస్లో అత్యాధునిక డబ్ల్యూజెడ్–7 ‘‘సోరింగ్ డ్రాగన్’’ డ్రోన్లను చైనా మోహరించింది. ఈ డ్రోన్.. నాన్స్టాప్గా 10 గంటలు ఎగురుతుంది. నిఘా మిషన్ల కోసం దీన్ని తయారు చేశారు. క్రూయిజ్ మిసైల్స్ను పడగొట్టేందుకు అవసరమైన డేటాను ఇది అందిస్తుంది. మన దగ్గర ఇలాంటి డ్రోన్లు లేవు.
సరిహద్దు వద్ద చైనా ఎయిర్బేస్ల డెవలప్
బార్డర్ వద్ద ఉద్రిక్త పరిస్థితులు ఏర్పడినప్పటి నుంచి చైనా తన ఎయిర్బేస్లను డెవలప్ చేసుకుంటూ వస్తున్నది. యుద్ధ విమానాలు, ట్రాన్స్పోర్ట్, డ్రోన్లు, ఎలక్ట్రానిక్ వార్‌ఫేర్, నిఘా సంబంధిత డివైజ్తో పాటు ఏవియేషన్ సామగ్రిని అప్‌గ్రేడ్ చేస్తున్నది. టిబెట్లో హెలీపోర్ట్స్, గ్రౌండ్ బేస్డ్ ఎయిర్ డిఫెన్స్తో పాటు రైలు మార్గాన్ని డెవలప్ చేసుకుంటున్నది. మానవ రహిత వైమానిక వాహనాలు, ఎయిర్ ఫీల్డ్ కార్యకలాపాలు పెరిగాయి. ఈ క్రమంలో తవాంగ్ సెక్టార్లో ఇండియన్ ఆర్మీతో డిసెంబర్ 9న ఘర్షణకు దిగింది. అరుణాచల్లోని యాంగ్ట్సేను స్వాధీనం చేసుకునేందుకు చేసిన ప్రయత్నాన్ని ఇండియా తిప్పికొట్టింది.
కీలక స్థావరాల నుంచి మన విమానాలు..
అరుణాచల్ మీదుగా మన గగనతలంలోకి చైనా విమానాలు ప్రవేశించే చాన్స్ ఉందని గుర్తించిన తర్వాత, ఐఏఎఫ్ 2 సందర్భాల్లో యుద్ధ విమానాలను రంగంలోకి దింపింది. తేజ్పూర్, మిస్సమారి, జోర్హాట్, హసిమారా, బాగ్డోగ్రాలతో పాటు అసోం, బెంగాల్ మైదానాల్లోని ఎయిర్బేస్లను మనదేశం కొన్ని దశాబ్దాలుగా ఉపయోగించుకుంటోంది. ఈ బేస్ల నుంచి పనిచేసే మన యుద్ధ విమానాలు చైనీస్ ఫైటర్ జెట్స్ కంటే ఎక్కువ ప్రయోజనాన్ని కలిగి ఉన్నాయి. టిబెట్ ఎత్తులో ఉండడంతో చైనా విమానాలు టేకాఫ్ టైంలో ఎక్కువ బరువు మోయలేవు. కానీ, మన ఫైటర్ జెట్స్ మిసైల్స్, బాంబులు, ఇంధన ట్యాంకులతో ఈజీగా టేకాఫ్ చేయగలవు.
బాంగ్డా ఎయిర్బేస్లో ఫ్లాంకర్ టైప్ జెట్ ఫైటర్స్
డిసెంబర్ 14న తీసిన ఫొటోల్లో బాంగ్డా ఎయిర్బేస్లో 2 ఫ్లాంకర్ టైప్ ఫైటర్ జెట్లు కనిపిస్తున్నాయి. సేమ్ ఇలాంటి ఫైటర్ జెట్లు మన వద్ద కూడా ఉన్నాయి. రష్యా డిజైన్ చేసిన సుఖోయ్ 30 ఎంకేఐ ఫైటర్ జెట్లను మన ఎయిర్ఫోర్స్ ఆపరేట్ చేస్తోంది. మూడు కీలక ఎయిర్ బేస్ల ఫొటోలను మాక్సర్ విడుదల చేసింది. బాంగ్డా (అరుణాచల్ బార్డర్ నుంచి 150 కి.మి.), లాసా (బార్డర్ నుంచి 260 కి.మి.) షిగట్సే (సిక్కిం బార్డర్కు 150 కి.మి.) ఈ ఎయిర్ బేస్లు ఉన్నాయి. లాసా ఎయిర్బేస్లో రెండో రన్వే నిర్మాణ పనులు కొనసాగుతున్నాయి. నవంబర్ 24న తీసిన ఫొటోల్లో స్పష్టంగా కనిపిస్తోంది.
