న్యూఢిల్లీ: విదేశాలకు వెళ్లేవారు ఎవరైనా సరే రాజకీయ దృక్పథాన్ని ఇక్కడే వదలి పెట్టాలని.. అక్కడికి వెళ్లాక పొలిటికల్ కామెంట్స్ చేయరాదని ఉప రాష్ట్రపతి జగ్దీప్ ధన్కర్ సూచించారు. బాధ్యతా యుతంగా వ్యవహరించడమే వ్యక్తికి, దేశానికి కూడా ప్రయోజనకరమన్నారు. సోమవారం ఢిల్లీలో జరిగిన వరల్డ్హోమియోపతి దినోత్సవ కార్యక్రమం లో ఉప రాష్ట్రపతి జగ్దీప్ ధన్కర్ మాట్లా డారు. ఇటీవల బ్రిటన్ పర్యటనలో రాహుల్ గాంధీ చేసిన కామెంట్లపై ఉప రాష్ట్రపతి పరోక్ష వ్యాఖ్యలు చేశారు. ‘‘విదేశీయులు మనదేశానికి వచ్చినప్పుడు వాళ్ల దేశాన్ని తిడుతున్నట్టు ఎప్పుడైనా చూశామా? దేశ ఔన్నత్యాన్ని దెబ్బతీసేలా విదేశీగడ్డపై మాట్లాడటం సరికాదు’’ అని చెప్పారు. భారత కీర్తి ప్రతిష్టలను మరింత పెంచేలా ఎన్ఆర్ఐలు కృషి చేయాలని ధన్కర్ పిలుపునిచ్చారు.
