వరంగల్సిటీ, వెలుగు: కాకతీయ మెడికల్ కాలేజీ పీజీ స్టూడెంట్ డాక్టర్ ప్రీతి ఆత్మహత్యా యత్నం చేసిన గదిని పోలీసులు మంగళవారం రాత్రి తెరిచారు. ఫిబ్రవరి 22న ప్రీతి ఎంజీఎంలోని ఎమర్జెన్సీ ఆపరేషన్ థియేటర్ పక్కనే ఉన్న డాక్టర్స్ రెస్ట్ రూంకు వెళ్లి అనుమానాస్పద స్థితిలో ఆమె చనిపోయిన విషయం తెలిసిందే.
ఆనాటి నుంచి ఈ గదిని పోలీసులు సీజ్ చేశారు. 56 రోజుల తర్వాత మట్టేవాడ పోలీసులు ఆ గదిని తెరిచి ఎంజీఎం అధికారులకు తాళాలు అప్పగించారు. ప్రీతి మృతిపై ఎలాంటి పురోగతి తేలకుండానే ఈ గదిని ఓపెన్ చేయడంతో కేసు ముగిసిందా? అనే అనుమానాలు వ్యక్తం అవుతున్నాయి.
స్టూడెంట్లు సెల్ఫోన్ వాడకుండా చూడాలి
కాకతీయ మెడికల్ కాలేజీలో ప్రిన్సిపాల్ డాక్టర్ మోహన్దాస్ అధ్యక్షతన మంగళవారం డాక్టర్ల సమావేశం నిర్వహించారు. తరగతి గదులకు కొందరు స్టూడెంట్స్ సెల్ఫోన్లు తీసుకొచ్చి ఫొటోలు తీయడం, రీల్స్ చేస్తున్నారు. దీంతో క్లాస్రూమ్స్ డిస్టర్బ్ అవుతున్నాయని కొంతమంది విద్యార్థులు పేర్కొంటున్నారు. స్టూడెంట్లు క్లాస్ రూంలకు మొబైల్ ఫోన్లు తేకుండా చూడాలని ప్రిన్సిపాల్ వైద్యులకు సూచించారు.
