హైదరాబాద్: సెప్టెంబర్ 9న ఉదయం 6 గంటల నుంచి సెప్టెంబర్ 11న ఉదయం 6 గంటల వరకు హైదరాబాద్ నగరంలో నీటి సరఫరాకు అంతరాయం ఉంటుందని జలమండలి తెలిపింది. గోదావరి డ్రింకింగ్ వాటర్ సప్లై ఫేజ్-1 కింద 900 మిమీ డయా వాల్వుల మార్పిడి పనులు చేయాల్సి ఉంది. ఇందులో భాగంగా.. ముర్మూర్, మల్లారం, కొండపాక పంపింగ్ స్టేషన్లలో మరమ్మతులు జరగనున్నాయి. ఈ కారణంగా హైదరాబాద్ నగరంలోని చాలా ప్రాంతాలకు నీటి సరఫరా బంద్ కానుంది. దాదాపు 48 గంటల పాటు హైదరాబాద్ సిటీవాసులు నీటి సమస్యను చవిచూడబోతున్నారు.
ప్రభావిత ప్రాంతాలు ఇవే:
* డివిజన్-6: ఎస్.ఆర్.నగర్, సనత్‌నగర్, బోరబండ, ఎర్రగడ్డ, బంజారాహిల్స్, సోమజిగూడ, ఫతేనగర్, జూబ్లీహిల్స్ & ఇతర ప్రాంతాలు
* డివిజన్-7: లాలాపేట్, తార్నాక కొంత భాగం
* డివిజన్-8: అల్వాల్, మచ్చ బొల్లారం, యాప్రాల్, గౌతమ్‌నగర్, మౌలాలీ రిజర్వాయర్ ప్రాంతం
* డివిజన్-9: కూకట్‌పల్లి, భాగ్యనగర్, మోతీనగర్, కెపిహెచ్‌బి, బాలాజీనగర్
* డివిజన్-12: చింతల్, సుచిత్ర, షాపూర్‌నగర్, సూరారం, గాజులరామారం, జగద్గిరిగుట్ట
* డివిజన్-14 (కాప్రా): చర్లపల్లి, రాధికా, కైలాసగిరి, మల్లాపూర్
* డివిజన్-15: కొండాపూర్, మాదాపూర్, గచ్చిబౌలి, నల్లగండ్ల కొంత భాగం
* డివిజన్-17: హఫీజ్‌పేట్, మియాపూర్
* డివిజన్-19: పోచారం
* డివిజన్-21: కొంపల్లి, జవహర్‌నగర్, దమ్మాయిగూడ, నాగారం, అయ్యప్ప కాలనీ
* డివిజన్-22: నిజాంపేట్, బాచుపల్లి, ప్రగతినగర్, గండిమైసమ్మ, బోల్లారం, తెల్లాపూర్
* ట్రాన్స్‌మిషన్-4: హకీంపేట్ ఎయిర్‌ఫోర్స్, సికింద్రాబాద్ కాంటోన్మెంట్, AIIMS బీబీ నగర్ మొదలైనవి
* గ్రామీణ నీటి సరఫరా: అలేర్ (భువనగిరి), ఘన్పూర్ (మేడ్చల్/శామీర్‌పేట్)
* ఆయా ప్రాంతాల ప్రజలు నీటిని పొదుపుగా వినియోగించుకోవాలని జలమండలి విజ్ఞప్తి
