అసంఘటిత రంగంలో పని చేస్తున్న తమను కేంద్ర, రాష్ట్ర ప్రభుత్వాలు పట్టించుకోవట్లేదని క్యాబ్, ఆటో యూనియన్ సంఘాలు ఆవేదన వ్యక్తం చేశాయి. ఇందుకు నిరసనగా తెలంగాణ ఆటో, క్యాబ్ యూనియన్ ఆధ్వర్యంలో ఆగస్టు 8న ఖైరతాబాద్ లోని రవాణా శాఖ కార్యాలయ ముట్టడికి పిలుపునిచ్చాయి.
ఈ క్రమంలో పెద్ద ఎత్తున డ్రైవర్లు అక్కడికి చేరుకున్నారు. సమాచారం అందుకున్న పోలీసులు సంఘటనా స్థలానికి భారీగా చేరుకున్నారు. డ్రైవర్లు నిరసన చేస్తున్న క్రమంలో వారిని అదుపులోకి తీసుకుని స్టేషన్కి తరలించారు.
శాంతియుతంగా నిరసనలు తెలుపుతున్న తమని అరెస్ట్ చేయడం ఏంటని క్యాబ్ యూనియన్ప్రశ్నించింది. కార్మికుల సంక్షేమ బోర్డు ఏర్పాటు, డ్రైవర్బ్యాడ్జీ రెన్యూవల్ పెనాల్టీ ఎత్తివేత, పార్కింగ్ స్థలాలు కేటాయింపు తదితర డిమాండ్లతో ప్లకార్డులను ప్రదర్శిస్తూ ప్రభుత్వానికి వ్యతిరేకంగా నిరసన తెలిపారు.
