హైదరాబాద్, వెలుగు: ఎనిమిది ఏండ్లుగా రాష్ట్రాన్ని సీఎం కేసీఆర్ దోచుకుంటున్నారని ప్రజాశాంతి పార్టీ చీఫ్ కేఏ పాల్ ఆరోపించారు. రాష్ట్రం వచ్చినపుడు రూ.60 వేల కోట్ల మిగులు బడ్జెట్ ఉందని, ఇపుడు రూ.5 లక్షల కోట్ల అప్పులున్నాయని ఆందోళన వ్యక్తం చేశారు. సోమవారం అమీర్పేటలోని పార్టీ ఆఫీస్లో పాల్ మీడియాతో మాట్లాడారు.
కేసీఆర్ కుటుంబం రాష్ట్రంలో ఉన్న ప్రతి కుటుంబానికి బాకీ పడిందన్నారు. వచ్చేనెల 7 నుంచి 16 దాకా రాష్ట్రవ్యాప్తంగా అన్ని జిల్లాల్లో పర్యటిస్తానని పాల్ చెప్పారు. సర్కారు వైఫల్యాలను ప్రజలకు వివరిస్తానని, యువకులు, రైతులు, నిరుద్యోగులంతా మద్దతివ్వాలని కోరారు.
