వరంగల్ పట్టణంలోని పోచమ్మ మైదాన్ లో జకోటియా షాపింగ్ కాంప్లెక్స్ లో అగ్నిప్రమాదం జరిగింది. షార్ట్ సర్క్యూట్ తో ఒక్కసారిగా మంటలు ఎగిసిపడ్డాయి. కాంప్లెక్స్ సెకండ్ ఫ్లోర్ లో భారీ ఎత్తున మంటలు ఎగిసిపడుతున్నాయి. ఆ ప్రాంతమంతా దట్టమైన పొగలతో కమ్ముకుంది. షాపింగ్ కాంప్లెక్స్ లో ఎగిసిపడుతున్న మంటలను చూసి భయంతో పరుగులు పెట్టారు. సంఘటనా స్థలానికి చేరుకున్న ఫైర్ సిబ్బంది రెండు ఫైర్ ఇంజన్లతో మంటలార్పుతున్నారు. ఈ ప్రమాదంలో జరిగిన ఆస్తినష్టంపై వివరాలు తెలియాల్సి ఉంది.
