మెహిదీపట్నం, వెలుగు: బతుకమ్మ, దేవి శరన్నవరాత్రుల సందర్భంగా గుడిమల్కాపూర్ ఇంద్రారెడ్డి మార్కెట్లో పూల ధరలు ఒక్కసారిగా రెట్టింపయ్యాయి. వర్షం కారణంగా సాయంత్రానికి అమాంతం పడిపోయాయి. సోమవారం ఉదయం కిలో బంతి రూ.50 నుంచి- 70, చామంతి రూ.100 , గులాబీ రూ.200 పలికాయి. కానీ, సాయంత్రానికి కిలో బంతి రూ.30 , చామంతి రూ.60, గులాబీ రూ.100కు చేరింది.
గత వారం పది రోజులుగా బంతి, చామంతి కిలో 20 రూపాయలకే అమ్ముడవ్వగా, అమ్మకాలు లేక రైతులు పూలను మార్కెట్లోనే వదిలేసిన సందర్భాలు ఉన్నాయి. భారీ వర్షం కారణంగా సోమవారం సాయంత్రం మార్కెట్లో పూలు తడిసిపోవడంతో రైతులు చేసేది లేక వాటిని పడేశారు. ఇటువంటి పరిస్థితులతో రైతులకు నష్టమే తప్ప మిగిలేదేమీ ఉండదని గుడిమల్కాపూర్ వ్యవసాయ మార్కెట్ కమిటీ చైర్మన్ తలారి మల్లేశ్ తెలిపారు.
