హైదరాబాద్ సిటీ, వెలుగు: చిన్న, మధ్యతరహా లోన్లకు ఎక్కువ ప్రాధాన్యత ఇవ్వాలని కలెక్టర్ హరిచందన బ్యాంక్ అధికారులకు సూచించారు. మంగళవారం కలెక్టరేట్ లో ఏర్పాటు చేసిన డీసీసీ, డీఎల్ఆర్సీ మీటింగులో కలెక్టర్ పాల్గొని మాట్లాడారు. కేంద్ర, రాష్ట్ర ప్రభుత్వ పథకాలతో పాటు ఎడ్యుకేషన్లోన్లకు ఎక్కువ ప్రాధాన్యత ఇవ్వాలన్నారు. ప్రధానమంత్రి మత్స్య సంపద యోజన స్కీం గురించి మత్స్యకారులకు అవగాహన కల్పించాలని, పీఎం విశ్వకర్మ , ముద్ర, స్టాండ్ అప్ ఇండియా లోన్లు ఎక్కువగా ఇవ్వాలన్నారు. ఎల్డీవో ఆర్బీఐ లక్ష్మి శ్రావ్య, డీడియం నాబార్డ్ హర్ష రఘురాం, ఎల్డీఎం నరసింహ మూర్తి పాల్గొన్నారు.
