గోదావరిఖని/యైటింక్లయిన్ కాలనీ: పెద్దపల్లి జిల్లా యైటింక్లయిన్కాలనీలోని అబ్దుల్కలాం స్టేడియంలో కాకా వెంకటస్వామి స్మారక రామగుండం నియోజకవర్గ స్థాయి క్రికెట్టోర్నీ మంగళవారం ఉత్కంఠభరితంగా కొనసాగింది. ఉదయం మొదటి మ్యాచ్యైటింక్లయిన్కాలనీ, గోదావరిఖని జట్ల మధ్య జరగ్గా, గోదావరిఖని విజయం సాధించింది. 20 ఓవర్లలో యైటింక్లయిన్ కాలనీ ఐదు వికెట్లు నష్టపోయి 162 రన్స్ చేసింది. తర్వాత బ్యాటింగ్కు దిగిన గోదావరిఖని 19 ఓవర్లలో ఆరు వికెట్ల నష్టానికి 163 రన్స్చేసి విక్టరీ కొట్టింది.
గోదావరిఖని జట్టులో ప్రకాశ్28 బంతుల్లో 37, యైటింక్లయిన్కాలనీ జట్టులో డి.ప్రవీణ్రెడ్డి 30 బాల్స్లో 33 రన్స్, మధు 31 బాల్స్లో 33 రన్స్చేసి ప్రతిభ కనబరిచారు. మధ్యాహ్నం జరిగిన రెండో మ్యాచ్లో ఎన్టీపీసీ, రామగుండం జట్లు తలపడగా రామగుండం జట్టు గెలుపొందింది. మొదట బ్యాటింగ్ ప్రారంభించిన ఎన్టీపీసీ 20 ఓవర్లలో ఆరు వికెట్ల నష్టానికి 159 రన్స్చేయగా, తర్వాత బ్యాటింగ్కు దిగిన రామగుండం 17.5 ఓవర్లలోనే ఐదు వికెట్లు నష్టపోయి 160 రన్స్చేసి విజయం సాధించింది. ఎన్టీపీసీ జట్టులో జావీద్48 బాల్స్లో 70 రన్స్, రామగుండం జట్టులో ప్రవీణ్ 40 బాల్స్లో 69 రన్స్, బాబర్22 బాల్స్లో 34 రన్స్చేశారు.
