హైదరాబాద్, వెలుగు: ఇప్పటికే గ్రూప్1 నోటిఫికేషన్ఇచ్చిన తెలంగాణ పబ్లిక్సర్వీస్కమిషన్(టీఎస్పీఎస్సీ) మరిన్ని కొత్త పోస్టుల భర్తీకి కసరత్తు చేస్తోంది. ఈ నెలలోనే ఫారెస్ట్, ట్రాన్స్పోర్ట్, ఆరోగ్య శాఖలోని ఖాళీల భర్తీకి ప్రకటన విడుదల చేసేందుకు ఏర్పాట్లు చేస్తోంది. పలు పోస్టులకు ఫైనాన్స్ డిపార్ట్మెంట్ క్లియరెన్స్ కూడా రావడంతో ఈ నెలాఖరులో నోటిఫికేషన్లు వెలువడే అవకాశం ఉన్నట్లు అధికారిక వర్గాలు చెబుతున్నాయి. రాష్ట్రంలో 80 వేలకు పైగా ఖాళీ పోస్టులను భర్తీ చేస్తామని మూడు నెలల కింద సీఎం కేసీఆర్ ప్రకటించారు. అయితే ఇప్పటి వరకు పోలీసు, గ్రూప్1 లాంటి కొన్ని పోస్టులకే నోటిఫికేషన్లు వచ్చాయి. దీంతో తదుపరి ఉద్యోగ ప్రకటనల కోసం అభ్యర్థులు ఎదురు చూస్తున్నారు. కాగా ఇప్పటికే ఆర్థికశాఖ క్లియరెన్స్ ఇచ్చిన ట్రాన్స్పోర్టు, ఫారెస్ట్, మెడికల్ తదితర డిపార్ట్మెంట్లలోని పోస్టుల భర్తీపై టీఎస్పీఎస్సీ దృష్టి సారించింది. ఆయా డిపార్ట్మెంట్లతో రూల్స్, రోస్టర్ తదితర అంశాలపై చర్చిస్తోంది.
3 డిపార్ట్మెంట్లు రెడీగానే...
ఫారెస్ట్ డిపార్ట్మెంట్లో మొత్తం1668 పోస్టులుండగా, వాటిలో అత్యధికంగా1393 బీట్ ఆఫీసర్ పోస్టులున్నాయి. ట్రాన్స్ పోర్టులో మొత్తం159 పోస్టులుండగా, వాటిలో113 పోస్టులు అసిస్టెంట్ మోటర్ వెహికిల్ ఇన్స్పెక్టర్ఖాళీలు ఉన్నాయి. వైద్యారోగ్య శాఖలోనూ 2,662 పోస్టులున్నాయి. ఈ మూడు డిపార్ట్మెంట్ల పోస్టులకు ఫైనాన్స్ డిపార్ట్మెంట్ క్లియరెన్స్ ఇచ్చింది. ఫారెస్ట్ ఆఫీసర్లతో ఇప్పటికే మూడు దఫాలుగా మీటింగ్ నిర్వహించిన టీఎస్పీఎస్సీ.. ఏఎంవీఐ పోస్టుల నియామకంలో కొన్ని రూల్స్మార్చడంపై ఫోకస్పెట్టింది. మెడికల్విభాగంలోనూ స్టేట్ సబార్డినేట్ రూల్స్ మారుస్తున్నారు. కొద్దిరోజుల్లోనే వీటి నోటిఫికేషన్లు వచ్చే అవకాశం ఉంది.
గ్రూప్ 4కు టైమ్ పడ్తదా?
రాష్ట్రంలో 9,168 గ్రూప్1 పోస్టులను భర్తీ చేయనున్నట్టు సర్కారు ప్రకటించింది. అవన్నీ 74 శాఖలకు చెందిన పోస్టులు. ఆయా శాఖల నుంచి ఖాళీల వివరాలను ప్రభుత్వం ఇంకా సేకరించే పనిలోనే ఉంది. ఆ పోస్టులకు ఫైనాన్స్ శాఖ కూడా ఆమోదం తెలపాల్సి ఉంది. ఈ ప్రాసెస్ పూర్తయ్యేందుకు టైమ్పట్టే అవకాశముంది. ఇప్పటికే టీఎస్పీఎస్సీ చైర్మన్ జనార్దన్రెడ్డితో కలిసి సీఎస్సోమేశ్ కుమార్ ఆయా డిపార్టమెంట్లతో సమీక్ష నిర్వహించారు. మరోపక్క ఫైనాన్స్ అధికారులూ ఆయా విభాగాలతో సమావేశాలు నిర్వహిస్తూ, పోస్టులను తేల్చేపనిలో ఉన్నారు. ఫైనాన్స్ డిపార్ట్మెంట్ ఈ వారంలో ఆయా పోస్టులకు క్లియరెన్స్ ఇస్తే.. ఈనెలాఖరులో గ్రూప్ 4 నోటిఫికేషన్ వచ్చే అవకాశముంది. లేదంటే ఇక వచ్చేనెలలోనే ప్రకటన రావొచ్చు.
