షాద్నగర్, వెలుగు : దసరా సందర్భంగా ఊరెళ్తున్న వారితో హైదరాబాద్– బెంగళూరు హైవే కిక్కిరిసిపోయింది. షాద్ నగర్ సమీపంలోని రాయికల్ టోల్ ప్లాజా వద్ద ఆదివారం వాహనాల రద్దీ కొనసాగింది. వీకెండ్తో పాటు పండుగ దగ్గర పడడంతో ఆదివారం వాహనాల సంఖ్య భారీగా పెరిగింది. దీంతో టోల్ ప్లాజా వద్ద తీవ్ర రద్దీ నెలకొని కిలోమీటర్ల మేర వాహనాలు బారులు తీరాయి.
దీంతో ట్రాఫిక్ పోలీసులు రంగంలోకి దిగి అదనపు లేన్లను తెరిచి ట్రాఫిక్ను క్రమబద్ధీకరించారు. ట్రాఫిక్ రద్దీని దృష్టిలో ఉంచుకుని వీలైనంతవరకు ప్రత్యామ్నాయ మార్గాలను ఎంచుకోవాలని పోలీసులు సూచించారు.
