నెక్కొండ, వెలుగు: వరంగల్జిల్లాలో భర్త వేధింపులు తట్టుకోలేక భార్య సూసైడ్చేసుకుంది. ఎస్సై షేక్ జాన్పాషా తెలిపిన వివరాల ప్రకారం.. నెక్కొండ మండలం మూడుతండాల పంచాయతీ పరిధిలోని మంగళితండాకు చెందిన భూక్య వెంకన్న, జ్యోతి కూతురు రాజేశ్వరి(20)ని ములుగు జిల్లా దేవగిరిపట్నంకు చెందిన వాకుండోతు రమేశ్కు ఇచ్చి ఏడాది కింద పెండ్లి చేశారు. ఆ టైంలో కట్నం కింద రూ.10 లక్షల క్యాష్, 5 తులాల బంగారం ఇచ్చారు. అయితే కొన్నాళ్లుగా పుట్టింటి నుంచి అదనపు కట్నం తేవాలని రమేశ్ భార్యను వేధిస్తున్నాడు. ఈ విషయంలో భార్యాభర్తలు పలుమార్లు గొడవ పడ్డారు. మూడు నెలల కింద రమేశ్.. రాజేశ్వరిని తీవ్రంగా వేధించి కొట్టడంతో తట్టుకోలేక పుట్టింటికి వెళ్లిపోయింది. అయినప్పటికీ రమేశ్తరచూ భార్యకు ఫోన్ చేసి బూతులు తిడుతున్నాడు. తీవ్ర మనస్తాపం చెందిన రాజేశ్వరి బుధవారం పురుగుల మందు తాగి సూసైడ్ చేసుకుంది. మృతురాలి తండ్రి వెంకన్న ఫిర్యాదుతో కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
