కాకినాడ కాజా.. తాపేశ్వరం లడ్డూ.. మాడుగుల హల్వా, పుల్లారెడ్డి స్వీట్స్ ఇలా చెప్పుకుంటూ పోతే ఒక్కో ప్రాంతానికి ఒక్కో ప్రత్యేకత ఉంది. అయితే పశ్చిమ బెంగాల్ లోని కత్వా గ్రామంలోని మధ బిటాల దగ్గరలోని ఓ స్వీట్ షాపులో తయారయ్యే కలాకండ్ ఎంతో ఫేమస్. ఈ కలాకండ్ కోసం విదేశాల నుంచి తరచూ ఆర్డర్లు వస్తుంటాయని ఆ దుకాణ యజమాని చెబుతుంటాడు. ఇక చుట్టు పక్కల వారు పండుగలకు, పబ్బాలకు ఇందులోని కలాకండ్ తప్పకుండా తీసుకెళ్తారట. అసలు కత్వా కలాకండ్ కు ఎందుకు ప్రాధాన్యతో తెలుసుకుందాం.
పశ్చిమ బెంగాల్ లోని ఓ స్వీట్ షాపు ప్రజల ప్రశంసలను పొందింది. కత్వాలోని మధ బిటాల దగ్గరున్న స్వీట్ షాపులోని కలాకండ్ విస్తృతమైన గుర్తింపు పొందింది. ఆ షాపేరే ధృవ కలాకండ్. బెంగాలీలు స్వీట్లంటే చాలా ఇష్టపడతారు. ఏ చిన్న ఫంక్షనైనా స్వీట్ లేనిదే జరగదు. వేడుకల్లో మిఠాయిలు ప్రత్యేక స్థానాన్ని కలిగి ఉంటాయి. అతిథులను సంతృప్తి పరచడానికి మంచి స్వీట్ షాపులను అన్వేషిస్తుంటారు. తూర్పు బుర్ద్వాన్ జిల్లాలోని కత్వా పట్టణంలో అలాంటి దుకాణం ఒకటి ఉంది.
బెంగాలీలు స్వీట్సంటే లొట్టలేస్తారు. కత్వాలోని మాదబిటాల పరిసర ప్రాంతంలో ఉన్న ఈ మిఠాయి దుకాణం దాని కలాకండ్‌కు విస్తృతంగా గుర్తింపు పొందింది. దీనికి ధృవ కలకాండ్ అని పేరు పెట్టారు. వాస్తవానికి మిఠాయ్ షాపుకు చాలా చరిత్ర ఉంది. 68 ఏళ్లగా ఈ స్వీట్ షాప్ నగరంలోని ప్రకృతి దృశ్యంలో అంతర్భాగంగా మారింది. ఈ దుకాణం యజమాని నాణ్యతకు ప్రాధాన్యత ఇస్తారు. కలాకండ్ ఈ దుకాణంలో ఎంతో ప్రాముఖ్యత సంతరించుకుంది. ఒక్కొక్కటిగా విక్రయించబడటంతో పాటు, కలాకండ్ కూడా పెద్దమొత్తంలో లభిస్తుంది. కిలో రూ. 400 , ఒక ముక్క రూ. 10లకు అమ్ముతారు. ప్రస్తుతంఈ షాపులో ఐదారుగురు పని చేస్తారు.
కత్వాలోని ఓ స్వీట్ దుకాణంలో అనేక రకాల స్వీట్స్ ఉన్నప్పటికీ కలాకండ్ చాలా రుచిగాఉంటుందని స్థానికులు చెబుతున్నారు. ఈ షాపులోని కలాకండ్ కోసం చాలా దూర ప్రాంతాల నుంచి కూడా వస్తుంటారు. అయితే ఈ దుకాణానికి తరచుగా వచ్చే కస్టమర్ తన అభిప్రాయాన్ని తెలిపాడు. తాను నాలుగేళ్లుగా ఇక్కడ స్వీట్లు తినడానికి వస్తున్నానన్నారు. ఈ షాపులోని మిఠాయిల రుచి, నాణ్యత అదరహో అంటున్నారు. ముఖ్యంగా వారి కలాకండ్ రుచి అదిరోపోతుందని ఆ కస్టమర్ తన అభిప్రాయాన్ని తెలిపాడు. పండుగలకు, ఫంక్షన్లకు ఇక్కడి నుంచే స్వీట్లను తీసుకెళ్తానని తెలిపారు. పశ్చిమ బెంగాల్ లో కత్వా కు సమీప గ్రామాల ప్రజలందరూ కూడా ఇక్కడి కలాకండ్ కోసం బారులు తీరుతారు.
