హైదరాబాద్, వెలుగు: శ్రీచైతన్య విద్యాసంస్థల్లో పనిచేసే లెక్చరర్లకు జీతాలు ఇవ్వకుండా, ఎంప్లాయీస్ను తొలగిస్తున్నారనే ఫిర్యాదుపై తెలంగాణ రాష్ట్ర హ్యూమన్ రైట్స్ కమిషన్(హెచ్ఆర్సీ) స్పందించింది. సెప్టెంబర్ 20న కమిషన్ ముందు హాజరుకావాలని హెచ్ఆర్సీ సెక్రటరీ విద్యాధర్భట్ శ్రీచైతన్య విద్యాసంస్థల జీఎంకు నోటీసులు జారీ చేశారు. అదే రోజు పూర్తి వివరాలతో విచారణకు రావాలని కళాశాల విద్యాశాఖ అధికారులకూ నోటీసులిచ్చారు. కార్పొరేట్ కాలేజీల్లో లెక్చరర్లను తొలగిస్తున్నారని, జీతాలివ్వడంలో జాప్యం చేస్తున్నారని గత నెల17న టీఎస్టీసీఈఏ రాష్ట్ర అధ్యక్షుడు సంతోష్కుమార్ హెచ్ఆర్సీని ఆశ్రయించారు. స్టూడెంట్ల నుంచి కార్పొరేట్ విద్యా సంస్థలు ఫీజులు వసూలు చేస్తున్నా లెక్చరర్లకు మాత్రం జీతాలివ్వడం లేదని ఆయన ఫిర్యాదులో పేర్కొన్నారు.
