- నిందితులు ఇప్పటికే సేఫ్‌ ప్లేస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు వెళ్లినట్లు అనుమానం
- వారికి పట్టుకునేందుకు ఢిల్లీకి చేరిన పోలీస్ టీంలు
- గత చోరీ ఘటనలతో పోల్చి చూస్తున్న పోలీసులు
గోదావరిఖని, వెలుగు : గోదావరిఖని గౌతమీనగర్లోని ఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌బీఐ ఏటీఎంలో ఈ నెల 10 తెల్లవారుజామున రూ.27.75 లక్షల నగదు చోరీ చేసిన ఘటనలో దొంగల ముఠా కోసం పోలీసులు వేట ముమ్మరం చేశారు. దొంగతనం చేసి వెళ్తూ మార్గమధ్యలో మందమర్రి ఏరియాలో గ్యాస్ సిలిండర్, ఏటీఎం మెషిన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని పలు భాగాలను పడేసి వెళ్లగా వాటి ఆధారంగా పోలీసులు ఆరా తీస్తున్నారు. టోల్గేట్లలో సేకరించిన సమాచారం మేరకు నంబర్ప్లేట్ సరిగా లేని వాహనంలో వచ్చిన దొంగలు ఢిల్లీ వైపు వెళ్లి ఉండొచ్చనే అనుమానంతో పోలీస్ టీంలు అక్కడికి వెళ్లినట్లు సమాచారం.
గూగుల్ సెర్చ్ ద్వారా ఏటీఎంల గుర్తింపు
దొంగల ముఠా సమీపంలోని గూగుల్ సెర్చ్ ద్వారా ఏటీఎం సెంటర్లను టార్గెట్‌ చేసుకున్నట్లు తెలుస్తోంది. అడ్రస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లు తెలుసుకొని చోరీ చేస్తున్నట్లు గోదావరిఖనిలో జరిగిన ఘటన గుర్తు చేస్తున్నది. మొదట గంగానగర్లోని ఏటీఎం సెంటర్, ఆ తర్వాత గౌతమీనగర్లోని సెంటర్లలో దొంగలు పడ్డారు. ఈ రెండు కూడా గోదావరిఖని పట్టణానికి శివారు ప్రాంతాలలోనే ఉండడం గమనార్హం.
గంగానగర్ ఏటీఎం సెంటర్లోకి దొంగలు చొరబడి మెషిన్ను పగలగొట్టడానికి ప్రయత్నించి ఫెయిల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌అయ్యారు. అక్కడి నుంచి గౌతమీనగర్లోని ఏటీఎంకు వెళ్లి షట్టర్మూసివేసి గ్యాస్కట్టర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో మెషిన్ను ఓపెన్ చేసి ట్రే బాక్స్లతో సహా రూ.27.75 లక్షల నగదును ఎత్తుకెళ్లారు. ఇదంతా కేవలం 20 నిమిషాల్లోనే పూర్తి చేసుకుని దొంగలు తాము తెచ్చుకున్న వాహనంలోనే పరారైనట్టు పోలీసులు గుర్తించారు.
మందమర్రిలో కట్టర్, సిలిండర్లు, ట్రేల గుర్తింపు
గోదావరిఖని గౌతమీనగర్ ఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌బీఐ ఏటీఎంలో చోరీ అనంతరం అందుకు ఉపయోగించిన గ్యాస్ కట్టర్, సిలిండర్లు, ఖాళీ క్యాష్ ట్రే బాక్స్లను మందమర్రి సమీపంలోని చెట్ల పొదల్లో పడేసి వెళ్లారు. వీటిని పోలీసులు స్వాధీనం చేసుకుని వాటి మీద ఉన్న వేలి ముద్రలను సేకరించారు. 2021 మార్చి 24న మంథని మండలం గుంజపడుగు గ్రామంలో ఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌బీఐ బ్యాంక్లో కూడా ఇదే తరహాలో గ్యాస్ కట్టర్తో లాకర్ను తెరిచి రూ.18 లక్షల నగదు, 6 కేజీల బంగారు నగలు దోచుకెళ్లారు.
మహారాష్ట్ర, ఉత్తర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ప్రదేశ్‌ రాష్ట్రాలకు చెందిన దొంగలు ఈ ఘటనకు పాల్పడినట్టు గుర్తించి 11 మందిని అరెస్ట్ చేశారు. కాగా గౌతమీనగర్ ఏటీఎంలో చోరీ ఘటన కూడా గుంజపడుగు బ్యాంక్ రాబరీ ఘటనతో పోలి ఉండడతో పాత నేరస్తులపై పోలీసులు అనుమానం వ్యక్తం చేస్తున్నారు. ఒకవేళ పాత దొంగలు జైల్లో ఉంటే తాజా ఘటనకు పాల్పడింది ఎవరనేది తేలాల్సి ఉంది. ఈ క్రమంలో గోదావరిఖని ఏసీపీ శ్రీనివాసరావు నేతృత్వంలో రామగుండం సీఐ ప్రవీణ్ కుమార్, అంతర్గాం ఎస్ఐ సంతోష్ కుమార్ఆధ్వర్యంలో రెండు బృందాలు దొంగల కోసం వేట ముమ్మరం చేశారు.
దొంగలు ప్రయాణించిన వాహనం నంబర్ ప్లేట్ సరిగ్గా లేకపోవడం, దానికి తోడు ఆ నంబర్ ప్లేట్ నకిలీదిగా పోలీసుల పరిశీలనలో తేలినట్టు సమాచారం. దొంగలు వచ్చిన వాహనం తిరిగి వెళ్లిన మార్గంలోని టోల్ గేట్లను పోలీసులు అలర్ట్ చేసినప్పటికీ వారు ఢిల్లీ, ఉత్తరప్రదేశ్ పరిసర ప్రాంతాలకు చేరుకున్నట్టు గుర్తించారు. వారి ఆచూకీ కోసం స్థానిక పోలీసుల సాయంతో టెక్నికల్ ఎవిడెన్స్ కోసం ప్రయత్నాలు సాగిస్తున్నారు.
