హైదరాబాద్, వెలుగు: రాష్ట్రంలోని పలు జిల్లాల్లో శుక్రవారం ఉరుములు, మెరుపులతో కూడిన భారీ వర్షాలు కురుస్తాయని హైదరాబాద్ వాతావరణ కేంద్రం వెల్లడించింది. భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, రంగారెడ్డి, నాగర్ కర్నూల్, వనపర్తి, జోగులాంబ జిల్లాల్లో అతి భారీ వర్షాలు కురుస్తాయని తెలిపింది. వీటికి ఎల్లో హెచ్చరికలను జారీ చేసింది. గడిచిన 24 గంటల్లో యదాద్రి భువనగిరి జిల్లా గుండాలలో 8.15 సెం.మీ, రంగారెడ్డి జిల్లా కాసులాబాద్-లో 7.53 సెం.మీ వర్షపాతం రికార్డయ్యింది.
