జూబ్లీహిల్స్, వెలుగు : వైవాహిక జీవితంలో జోక్యం చేసుకుంటున్నారని ప్రశ్నించినందుకు చంపేస్తానని బెదిరించారంటూ ఓ సాఫ్ట్‌‌వేర్ ఇంజనీర్ పోలీసులను ఆశ్రయించారు. ఆయన ఫిర్యాదు ఆధారంగా చైతన్య గురూజీ అలియాస్ మైరెడ్డి సునీల్ రెడ్డిపై జూబ్లీహిల్స్ పోలీసులు కేసు నమోదు చేశారు. జూబ్లీహిల్స్‌‌లోని శ్రావంతి నగర్‌‌కు చెందిన కె. విష్ణుదీప్ రెడ్డి (36) సాఫ్ట్‌‌వేర్ ఇంజినీర్..ఇతడి భార్యకు చైతన్య గురూజీతో ఆధ్యాత్మిక కార్యకలాపాల సందర్భంగా పరిచయం ఏర్పడింది. ఇద్దరూ ఫోన్లో మాట్లాడుకోవడంతో పాటు మెసేజ్లు చేసుకునేవారు.
ఈ విషయం తెలిసిన విష్ణు..జూబ్లీహిల్స్ రోడ్ నంబర్ 71లో ఉన్న గురూజీ దగ్గరకు వెళ్లి ప్రశ్నించారు. దీంతో మళ్లీ సంప్రదిస్తే జీవితాన్ని నాశనం చేస్తానని, చంపేస్తానని బెదిరించినట్లు బాధితుడు ఆరోపించారు. వెంటనే పోలీస్స్టేషన్కు వెళ్లలేదని, గురూజీ పై కేసు నమోదు చేసేందుకు కోర్టు నుంచి అనుమతి తెచ్చుకుని అక్టోబర్ 12న జూబ్లీహిల్స్ పోలీసులను ఆశ్రయించినట్లు తెలిపాడు. గురూజీ తన భార్యతో చేసిన చాటింగ్, ఆడియో , మరికొన్ని ఆధారాలను పోలీసులకు
అందజేశానని చెప్పాడు.
