హైదరాబాద్సిటీ, వెలుగు: తెలంగాణ రైజింగ్-–2047 భాగంగా పబ్లిక్ రిలేషన్స్ సొసైటీ ఆఫ్ ఇండియా (పీఆర్ఎస్ఐ) తెలంగాణ పబ్లిక్ రిలేషన్స్ కాన్ఫరెన్స్- లో వాటర్బోర్డుకు మూడు అవార్డులు వచ్చాయి. ఓఆర్ఆర్ పరిధిలో భూగర్భ జలాలు పెంచేందుకు చేపట్టిన అవగాహన కార్యక్రమాలకు మొదటి బహుమతి లభించింది. సీవరేజ్ ఓవర్ ఫ్లో ఫ్రీ సిటీ-గా చేయడానికి, ఇంకుడు గుంతల నిర్మాణమే లక్ష్యంగా రూపొందించిన డాక్యుమెంటరీకి కార్పొరేట్ వీడియో ప్రొడక్షన్ డెవలప్మెంట్ ఫీచర్ విభాగంలో సెకండ్ ప్రైజ్ దక్కింది.
ఇంకుడు గుంతల నిర్మాణంపై టెక్నికల్ఇన్ఫర్మేషన్తో రూపొందించిన పోస్టర్ కు బెస్ట్ లేఅవుట్ అండ్ డిజైన్ కేటగిరీలో సెకండ్ ప్రైజ్వచ్చింది. బేగంపేటలోని టూరిజం ప్లాజాలో ఆదివారం జరిగిన పీఆర్ఎస్ఐ తెలంగాణ పబ్లిక్ రిలేషన్స్ కాన్ఫరెన్స్ లో రిటైర్డ్ ఐఏఎస్ కేవీ రమణాచారి, తెలంగాణ ప్రెస్ అకాడమీ చైర్మన్ శ్రీనివాస రెడ్డి, తెలంగాణ ప్రభుత్వ సమాచార, పౌర సంబంధాల శాఖ స్పెషల్ కమిషనర్ ప్రియాంక, ప్రొఫెసర్ నాగేశ్వరావు ఈ అవార్డులు అందజేశారు.
