హైడ్రా అంటే కూలగొట్టడానికి కాదు.. హైదరాబాద్ నగరాన్ని నిర్మించడానికి: సీఎం రేవంత్

హైడ్రా అంటే పేదల ఇళ్లను కూలగొట్టడానికి ఏర్పాటు చేశారని కొందరు తప్పుడు ప్రచారం చేస్తున్నారని, కానీ హైడ్రా అంటే కూలగొట్టడానికే కాదు.. హైదరాబాద్ నగరాన్ని నిర్మించడానికి ఏర్పాటు చేసిన సంస్థ అని సీఎం రేవంత్ రెడ్డి అన్నారు. కొందరు కడుపు మంటతో హైడ్రా గురించి దుష్ప్రచారం చేస్తున్నారని అన్నారు. మూసీని ఆక్రమించిన వారికీ, నాళాలు, చెరువులను కబ్జాలు చేసిన వారికే హైడ్రా అంటే భయం అని అన్నారు. గురువారం హైదరాబాద్ లోని బుద్ధభవన్ దగ్గర నిర్మించిన హైడ్రా పోలీస్ స్టేషన్ తో పాటు హైడ్రా వెబ్ సైట్ ను ప్రారంభించారు. ఈ సందర్భంగా సీఎం చేసిన కీలక వ్యాఖ్యలు:

• హైడ్రాలో డిజాస్టర్ మేనేజ్మెంట్, అసెట్ ప్రొటెక్షన్ ఫోర్స్ ఉన్నాయి
• 12 మంది ఎస్సైలు, 30 మంది కానిస్టేబుల్స్ ఉన్నారు
• హైడ్రా వర్షాలు వస్తే ప్రజలను కాపాడుతారు.. 
• విపత్తులు వస్తే అండగా ఉంటారు
• హైడ్రా టీమ్.. చెట్లు కూలితే తొలగిస్తున్నారు.. కరెంటు పునరుద్ధరిస్తున్నారు
• వరదల్లో ప్రజలను ఎలా కాపాడాలనే లక్ష్యంతో పనిచేస్తున్నారు
• కోటి 20 లక్షల మంది నగర వాసులు ఉన్నారు. 
• 940 చెరువులకు 420 కబ్జాలకు గురయ్యాయి.. నాలాలు మూసుకుపోయాయి
• ట్రాఫిక్ జాం కు కారణం.. ఆక్రమణ కాదా.. నాలాలు ఆక్రమించినందుకే కదా ట్రాఫిక్ జామ్
• గండిపేట్, ఉస్మాన్ సాగర్ లలో డైరెక్ట్ గా నిర్మాలు చేపడుతున్నారు.
• ఫామ్ హౌజ్ ల మురికి నీటిని జలాశయాలలోకి పంపిస్తున్ననారు
• పరిస్థితి ఇలాగే ఉంటే హైదరాబాద్ ప్రజలకు తాగు నీరు ఎలా అందించాలి
• చెరువుల కబ్జా చేసి నిర్మాణాలు కట్టడం వలన నీళ్లు ఇండ్లల్లోకి వస్తున్నాయి
• అందుకే పేదలను కాపాడేందుకే.. హైట్రా ఏర్పాటు చేశాం
• బతుకమ్మ పండుగ బతుకమ్మ కుంటలోనే నిర్వహించాలని నిర్ణయించాం

కజ్బాలు చేసినవారికి, ప్రోత్సహించిన వారికే హైడ్రా అంటే భయం:

• గొప్ప వ్యక్తులు గా చెప్పుకునేవారు చెరువులను కబ్జా చేశారు
• అలాంటి వారిపై చర్యలు తీసుకుని చెరువులను కాపాడటం తప్పా
• ఎవరైతే మూసీ ఆక్రమణలను ప్రోత్సహించారో, నాలాలను ఆక్రమించారో, అక్రమ నిర్మాణాలను చేపట్టారో వారికే.. హైడ్రా అంటే భయం..
• ఈ నగరాన్ని ఇలాగే వదిలేద్దామా.?
• కొందరు కడుపు మంటతో మమ్మల్ని వ్యతిరేకించినా, దూషించినా పట్టించుకోం
• హైదరాబాద్ నగరాన్ని కాపాడి తీరుతాం
• మూసీని కబ్జా చేసిన పెద్ద వాళ్లను తొలగించి పేదలకు డబుల్ బెడ్ రూమ్స్ ఇస్తున్నాం. 
• హైడ్రా అధికారులు పెద్దలపై కఠినంగా, పేదలపై జాలీగా వ్యవహరించాలి
• పేదల ఆస్తులను, గౌరవాన్ని కాపడటంలో హైడ్రా  బాధ్యతాయుతంగా వ్యవహరించాలి