ముషీరాబాద్, వెలుగు: మూడు నెలల్లో బీసీ కులగణన పూర్తిచేయాలని హైకోర్టు ఉత్తర్వులు ఇవ్వడం హర్షణీయమని బీసీ సంక్షేమ సంఘం రాష్ట్ర అధ్యక్షుడు ఎర్ర సత్యనారాయణ అన్నారు. కులగణన చేపట్టాలని 2019లో తానే హైకోర్టులో పిటిషన్ వేశానని చెప్పారు. నాలుగేండ్ల తర్వాత తీర్పు వెలువడడం సంతోషంగా ఉందన్నారు. మంగళవారం బీసీ భవన్లో ఆయన మీడియాతో మాట్లాడారు. హైకోర్టు ఉత్తర్వులను తక్షణమే అమలు చేయాలని కోరారు. కులగణన అనంతరం స్థానిక ఎన్నికల్లో బీసీలకు 42% రిజర్వేషన్లు కల్పించాలని డిమాండ్చేశారు. బీసీలను మోసం చేస్తే ఊరుకోబోమని హెచ్చరించారు. సమావేశంలో జిల్లపల్లి అంజి, సతీశ్, హేమంత్, బాలయ్య తదితరులు పాల్గొన్నారు.
