హైదరాబాద్, వెలుగు: ములుగు జిల్లాలోని సమ్మక్క సారక్క సెంట్రల్ ట్రైబల్ యూనివ ర్సిటీ అభివృద్ధికి కీలక అడుగు పడింది. ఇండియన్ ఇన్స్టిట్యూట్ఆఫ్ టెక్నాలజీ హైద రాబాద్ (ఐఐటీహెచ్), ట్రైబల్ వర్సిటీ మధ్య శుక్రవారం పలు అంశాల్లో ఎంవోయూ కుది రింది. కేంద్రమంత్రి కిషన్ రెడ్డి, డీఆర్డీవో మాజీ చైర్మన్ డాక్టర్ జి.సతీశ్ రెడ్డి సమక్షంలో ఐఐటీహెచ్ డైరెక్టర్ బీఎస్.మూర్తి, వర్సిటీ వీసీ ప్రొఫెసర్ వైఎల్ శ్రీనివాస్ ఒప్పంద పత్రాలపై సంతకాలు చేశారు.
వచ్చే విద్యాసంవత్సరం నుంచి సమ్మక్క వర్సిటీలో కంప్యూటర్ సైన్స్, ఆర్టిఫిషియల్ ఇంటెలిజెన్స్లో బీటెక్, మ్యాథమెటిక్స్ అండ్ కంప్యూటింగ్లో, కంప్యూటర్ సైన్స్ అండ్ డేటా అనలిటిక్స్లో బీఎస్(బ్యాచిలర్ఆఫ్సైన్స్) కోర్సులు ప్రారంభం కానున్నాయి. వీటి బోధనకు సంబంధించి వర్సిటీ లెక్చరర్లకు ఐఐటీ హైదరాబాద్ ప్రత్యేక శిక్షణ ఇవ్వనుంది. కొత్త పాఠ్య ప్రణాళికలు, ల్యాబ్ మౌలిక సదుపాయాల అభివృద్ధిలోనూ సహకరించనుంది.
పేరు నేనే సూచించా: కిషన్ రెడ్డి
ప్రధాని మోదీ గిరిజనులకు ఇచ్చిన హామీ మేరకు సమ్మక్క వర్సిటీని ఏర్పాటు చేశామని కేంద్రమంత్రి కిషన్ రెడ్డి అన్నారు. ములుగు జిల్లాలో ఏర్పాటు చేయాలన్న రాష్ట్ర ప్రభుత్వ సూచనను గౌరవించామని, ఈ వర్సిటీకి సమ్మక్క -సారక్క అమ్మవార్ల పేరు పెట్టాలని తానే ప్రధాని మోదీకి సూచించానని, ఆయన వెంటనే ఆమోదం తెలిపారన్నారు. మారుమూల ప్రాంతంలో ఉన్న ఈ వర్సిటీ భవిష్యత్తులో దేశంలోనే అత్యుత్తమ సంస్థగా ఎదుగుతుందన్న నమ్మకం ఉందన్నారు.
