మక్తల్, వెలుగు: రైతులకు24 గంటల కరెంటు కావాలా లేక కాంగ్రెస్ ఇస్తానన్న మూడు గంటల కరెంటు కావాలా అని మంత్రి కేటీఆర్ ప్రశ్నించారు. గురువారం ఆయన మక్తల్ పట్టణంలో సాయంత్రం బీఆర్ఎస్ అభ్యర్థి చిట్టెంరామ్మోహన్రెడ్డితో కలిసి రోడ్షో నిర్వహించారు. అంబేద్కర్ చౌరస్తా దగ్గర మాట్లాడారు. కాంగ్రెస్, బీజేపీ కల్ల బొల్లి మాటలు నమ్మవద్దన్నారు. కాంగ్రెస్ పాలనలో కర్నాటకలో రైతులకు కరెంటు కష్టాలు మొదలయ్యాయన్నారు.
టీపీసీసీ చీఫ్ రేవంత్రెడ్డి రైతులకు మూడు గంటల కరెంట్ ఇస్తే సరిపోతుందని,10హెచ్పీ మోటార్లు పెట్టుకోవాలని అంటున్నాడని, రైతులు 10హెచ్పీ మోటార్లను ఎలా పెట్టుకుంటారని ప్రశ్నించారు. ఎంపీ ఉత్తమ్కుమార్రెడ్డి రైతుబంధు వద్దంటున్నాడన్నారు. బీఆర్ఎస్ మేనిఫెస్టోలో చెప్పిన ప్రకారం రూ.400లకే గ్యాస్ సిలిండర్ అంజేస్తామన్నారు. తెల్ల రేషన్ కార్డుదారులకు సన్నబియ్యం పంపిణీ చేస్తామన్నారు. రైతుబంధును రూ.16వేలకు పెంచుతామన్నారు.
కేసీఆర్ మరోసారి గెలిచి హ్యాట్రిక్ సాధించి సీఎం అవుతారన్నారు. గద్వాల నుంచి చిట్టెం రామ్మోహన్రెడ్డిని గెలిపిస్తే ఊట్కూర్ చెరువును రిజార్వాయర్ గా, మక్తల్ నారాయణపేట రోడ్డును నాలుగు లైన్ల రోడ్డుగా మారుస్తానని హామీ ఇచ్చారు. మక్తల్, అత్మకూర్లను రెవెన్యూ డివిజన్లుగా ఏర్పాటు చేస్తామన్నారు. రేవంత్రెడ్డి కొడంగల్, కామారెడ్డిలో ఓడిపోవడం ఖాయమన్నారు. బీజేపీ,కాంగ్రెస్ అభ్యర్థులను ఓడించాలని పిలుపునిచ్చారు. మీటింగ్లో ఎంపీ శ్రీనివాస్రెడ్డి, చిట్టెం సుచరిత, నాయకులు, కార్యకర్తలు పాల్గొన్నారు.
ALSO READ : సమస్యాత్మాక ప్రాంతాల్లో .. సజావుగా ఎన్నికలు జరిగేలా చూడాలి : ప్రశాంత్ జీవన్ పాటిల్
