Indian Cricket Team Busy Schedule on June 17: భారత క్రికెట్ అభిమానులకు ఎల్లుండి (జూన్ 17న) పండగలాంటి రోజు అని చెప్పాలి.. ఎందుకంటే ఆ ఒక్క రోజే ఏకంగా మూడు క్రేజీ మ్యాచ్లు జరగబోతున్నాయి. ఉదయం నుంచి రాత్రి దాకా టీమిండియాకు సంబంధించిన వేర్వేరు జట్లు మైదానంలోకి దిగుతుండటంతో.. ఏకంగా 12 గంటల పాటు నాన్స్టాప్ క్రికెట్ ఎంటర్టైన్మెంట్ పక్కా అని ఫ్యాన్స్ ఫుల్ ఖుషీ అవుతున్నారు.
* ఇండియా 'A' vs ఆఫ్ఘనిస్తాన్ 'A':
ట్రై సిరీస్లో భాగంగా ఎల్లుండి ఉదయం 10:00 గంటలకే మొదటి మ్యాచ్ స్టార్ట్ అవుతుంది. ఇండియా ‘A’, ఆఫ్ఘనిస్తాన్ ‘A’ జట్ల మధ్య వన్డే (ODI) పోరు జరగబోతుంది. యంగ్ ప్లేయర్స్ తమ సత్తా చాటడానికి ఈ మ్యాచ్ ఎంతో కీలకం కానుంది.
* టీమిండియా vs ఆఫ్ఘనిస్తాన్:
ఇక మధ్యాహ్నం నుంచి అసలైన హై-వోల్టేజ్ మ్యాచ్ ప్రారంభమైతుంది. మధ్యాహ్నం 1:30 గంటలకు ఆఫ్ఘనిస్తాన్ సీనియర్ జట్టుతో టీమిండియా తన రెండవ వన్డే (2nd ODI) మ్యాచ్లో తలపడనుంది. సీనియర్ల పోరు కావడంతో ఈ మ్యాచ్పై అభిమానుల్లో భారీ అంచనాలు నెలకొన్నాయి.
* భారత మహిళల జట్టు vs నెదర్లాండ్స్:
పగలు మెన్స్ క్రికెట్ ముగిశాక, రాత్రి సమయంలో ఉమెన్స్ క్రికెట్ ధమాకా షురూ కాబోతుంది. మహిళల టి20 వరల్డ్ కప్ (T20 WC) లో భాగంగా రాత్రి 7:00 గంటలకు భారత మహిళల జట్టు నెదర్లాండ్స్ను ఢీకొట్టనుంది. వరల్డ్ కప్ పోరు కావడంతో మన అమ్మాయిల మ్యాచ్ను చూసేందుకు ఫ్యాన్స్ ఆసక్తిగా ఎదురుచూస్తున్నారు.
* దీంతో బుధవారం నాడు పొద్దున్న 10 గంటల నుంచి రాత్రి దాకా టీవీలు, మొబైల్ స్క్రీన్లకు అతుక్కుపోయేలా మొత్తం 12 గంటల నాన్స్టాప్ ఎంటర్టైన్మెంట్ ప్యాకేజ్ రెడీ అయింది. దీంతో ఆ రోజు అన్ని మ్యాచులని చూసేందుకు క్రికెట్ ఫ్యాన్స్ రెడీ అవుతున్నారు. మరీ చూడాలి జూన్ 17న భారత్ జట్టు అన్ని విభాగాల్లో గెలుస్తుందో లేదో అనేది.
