న్యూయార్క్: ఓ వృద్ధురాలిని మోసం చేసేందుకు ప్రయత్నించిన భారతీయ విద్యార్థిని అమెరికాలో పోలీసులు అరెస్ట్ చేశారు. 21 ఏండ్ల కిషన్ కుమార్ సింగ్.. 2024 నుంచి స్టూడెంట్ వీసాపై ఒహియోలో ఉంటున్నాడు. స్టోక్స్‌‌‌‌డేల్లో నివసించే 78 ఏండ్ల వృద్ధురాలికి ఫోన్ చేసి మోసం చేయడానికి ప్రయత్నించాడు. ఫెడరల్ అధికారినని చెబుతూ, ఆమె బ్యాంకు ఖాతా ఒక క్రైంలో భాగమైందని భయపెట్టాడు.
తక్షణమే డబ్బు విత్‌‌‌‌డ్రా చేసి, భద్రత కోసం తమకు అందజేయాలని ఒత్తిడి చేశారు. దీంతో ఆ వృద్ధురాలు పోలీసులను ఆశ్రయించింది. గత గురువారం పోలీసు యూనిఫాం ధరించి డబ్బు తీసుకోవడానికి వృద్ధురాలి ఇంటికి చేరుకున్న కిషన్ కుమార్ సింగ్ను పోలీసులు అరెస్టు చేశారు.
