వికారాబాద్, వెలుగు: అర్హులందరికీ సంక్షేమ ఫలాలు అందేలా కృషి చేస్తానని అసెంబ్లీ స్పీకర్ గడ్డం ప్రసాద్ కుమార్ అన్నారు. శుక్రవారం మోమిన్పేట, మర్పల్లి మండలాలకు సంబంధించి575 మంది లబ్ధిదారులకు ఇందిరమ్మ ఇండ్ల మంజూరు పత్రాలు, 27 మందికి కల్యాణ లక్ష్మి, షాదీ ముబారక్ చెక్కులను ఆయన అందజేశారు. వ్యవసాయ మార్కెటింగ్ కమిటీ చైర్మన్ మహేందర్ రెడ్డి, జిల్లా గ్రంథాలయ సంస్థ మాజీ అధ్యక్షుడు కొండల్రెడ్డి, మండల ప్రత్యేక అధికారి సదానందం, ఎంపీడీఓ విజయ లక్ష్మి, తహసీల్దార్ రవీందర్ పాల్గొన్నారు.
