భారతదేశంలో ఇన్సాట్ వ్యవస్థ 1982, ఏప్రిల్ 10న ఇన్సాట్–1ఏ ప్రయోగం ద్వారా ప్రారంభమైంది. ఫ్రెంచ్ గయానాలోని కౌరు అంతరిక్ష కేంద్రం నుంచి ఏరియేన నౌకల ద్వారా కొన్ని ఇన్సాట్ ఉపగ్రహాలను ప్రవేశపెట్టారు. ఇన్సాట్ ఉపగ్రహాలను జీఎస్ఎల్వీ వాహక నౌక ద్వారా జియో స్టేషనరీ ఆర్బిట్లో ప్రవేశపెడుతారు.
అనువర్తనాలు
- ప్రస్తుతం దేశవ్యాప్తంగా 620 ప్రధాన టెలికమ్యూనికేషన్స్ టెర్మినల్స్ ద్వారా మొబైల్, ల్యాండ్లైన్ సేవలు అందుబాటులో ఉన్నాయి.
- టెలి మెడిసిన్ సేవల కోసం ఇన్సాట్ ఉపగ్రహాలను ఉపయోగిస్తున్నారు.
- భూ ఉపరితల సమాచార వ్యవస్థను ఇన్సాట్ ఉపగ్రహం సహాయంతో ఇస్రో అభివృద్ధి చేసింది.
- కల్పనా–1 అనే ఇన్సాట్ ఉపగ్రహం అందించే వాతావరణ సమాచారాన్ని ఇండియన్ మెటియోరాలజీ డేటా ప్రాసెసింగ్ సిస్టమ్ విశ్లేషిస్తుంది. దీనివల్ల తుపానులు, వరదలు, ఉపరితల ఉష్ణోగ్రత మొదలైన అంశాల సమాచారం అందుతుంది.
- ఆన్లైన్ మనీ ట్రాన్స్ఫర్, ఆన్లైన్ రిజర్వేషన్, ఏటీఎం వంటి సేవలు ఇన్సాట్ ఉపగ్రహాలు అందిస్తున్నాయి.
- ఇందిరాగాంధీ జాతీయ సార్వత్రిక విశ్వవిద్యాలయం దూర విద్యా కార్యక్రమాలు ఇన్సాట్ ఉపగ్రహాల ద్వారా సఫలీకృతం అవుతున్నాయి.
