హైదరాబాద్, వెలుగు: యాదాద్రి థర్మల్ విద్యుత్ప్లాంటు పెద్ద స్కాం అని.. గత ప్రభుత్వంలో విద్యుత్తు శాఖ మంత్రిగా పనిచేసిన జగదీశ్రెడ్డి రూ.10 వేల కోట్లు తిన్నడని మంత్రి కోమటిరెడ్డి వెంకట్ రెడ్డి మండిపడ్డారు. గురువారం అసెంబ్లీలో విద్యుత్పై వైట్పేపర్రిలీజ్ సందర్భంగా మంత్రికి, జగదీశ్రెడ్డి మధ్య వాడీవేడీగా చర్చ జరిగింది.
‘‘టెండర్‌ పిలువకుండా పనులు ఇవ్వడమే పెద్ద కుంభకోణం. గత బీఆర్‌‌ఎస్‌ ప్రభుత్వం 24 గంటల కరెంట్‌ ఎప్పుడూ ఇవ్వలేదు. సబ్స్టేషన్లలో లాగ్‌ బుక్‌‌లు చూస్తే ఇదంతా స్పష్టమవుతుంది. నేను వెళ్లి పరిశీలించిన తర్వాత సబ్స్టేషన్లలో లాగ్‌ బుక్‌‌లు లేకుండా చేశారు. రూ.10 వేల కోట్ల కుంభకోణం జరిగింది కనుకే నష్టాలు వస్తున్నయి” అని ఆయన తెలిపారు. ఈ సందర్భంగా జగదీశ్రెడ్డి మాట్లాడుతూ తనపై వచ్చిన ఆరోపణలకు సిట్టింగ్‌ జడ్జితో విచారణ జరిపించాలని స్పీకర్ను కోరారు. యాదాద్రి ప్రాజెక్టులో కుంభకోణం జరిగిందన్నది అవాస్తవమన్నారు.
‘‘మా హయాంలో అర ఎకరం కూడా ఎండలేదు. విద్యుత్పై ధర్నాలు చేసే అవకాశం మేం ఇవ్వలేదు. మా హయాంలో ఒక్క రోజు కూడా పవర్‌ హాలిడే ఇవ్వలేదు. ఈ సభలో ఉన్న ప్రతి ఒక్కరికీ అప్పులు ఉన్నయ్. అప్పులు ఉన్నంత మాత్రాన మనందరం చెడ్డవాళ్లమా? అప్పులు లేకుండా అభివృద్ధి సాధ్యం కాదు’’ అని ఆయన అన్నారు.
