బషీర్ బాగ్, వెలుగు: ప్రముఖ కవి, హిందీ సినీ పాటల రచయిత జావేద్ అక్తర్కు ‘విశ్వంభర నారాయణ రెడ్డి జాతీయ అవార్డు’ ను ప్రదానం చేశారు. డాక్టర్ సి.నారాయణ రెడ్డి 92వ జయంతి వేడుకలు సుశీల నారాయణ రెడ్డి ట్రస్టు ఆధ్వర్యంలో శనివారం రవీంద్ర భారతిలో నిర్వహించా రు.
ఈ కార్యక్రమానికి ముఖ్య అతిథిగా మాజీ గవర్నర్ విద్యాసాగర్ రావు, రాష్ట్ర వ్యవసాయ శాఖ మంత్రి నిరంజన్ రెడ్డి హాజరయ్యారు. జావేద్ అక్తర్కు ఈ సందర్భంగా వారు సినారె అవార్డును ప్రదానం చేశారు. సినారె పేరిట తనకు అవార్డు రావడం ఆనందంగా ఉందని జావేద్ అన్నారు.
ఈ కార్యక్రమంలో రాష్ట్ర ప్రభుత్వ సలహాదారు కేవీ రమాణాచారి, మాజీ ఎంపీ యార్లగడ్డ లక్ష్మీప్రసాద్, సినారె మనుమడు లయ చరణ్, ఫిల్మ్ మేకర్ దీపక్, సుశీల నారాయణ రెడ్డి ట్రస్టు ప్రధాన కార్యదర్శి చెన్నయ్య తదితరులు పాల్గొన్నారు.
