బషీర్బాగ్, వెలుగు: స్టూడెంట్ మిస్సింగ్ ఘటన కాచిగూడ పీఎస్ పరిధిలో జరిగింది. ఇన్ స్పెక్టర్ రామలక్ష్మణరాజు తెలిపిన వివరాల ప్రకారం.. కాచిగూడలోని నింబోలిఅడ్డా ప్రాంతంలో ఉండే సునీత కూలి పనిచేస్తోంది. ఆమె పెద్ద కుమార్తె సాక్షి ఇటీవల విడుదలైన టెన్త్ రిజల్ట్స్లో ఫెయిలైంది. మనస్తాపానికి గురైన సాక్షి ఈ నెల 17న మధ్యాహ్నం ఇంట్లో నుంచి బయటికెళ్లి తిరిగిరాలేదు. కూతురి కోసం చుట్టుపక్కల ప్రాంతాల్లో, బంధువుల ఇండ్లలో వెతికినా ఆచూకీ దొరక్కపోవడంతో సునీత మంగళవారం కాచిగూడ పోలీసులకు కంప్లయింట్ చేసింది. పోలీసులు కేసు ఫైల్ చేసి దర్యాప్తు చేపట్టారు.
శంకర్పల్లిలో తల్లీకొడుకు..
శంకర్ పల్లి: తల్లీకొడుకు మిస్సింగ్ ఘటన శంకర్ పల్లి పీఎస్ పరిధిలో జరిగింది. గాజులగూడ గ్రామానికి చెందిన అమరేందర్(30), అనురాధ(25) దంపతులకు కొడుకు భార్గవ్(5) ఉన్నాడు. భర్తతో గొడవ కారణంగా అనురాధ కొన్నిరోజుల పాటు పుట్టింటి దగ్గర ఉంది. పెద్దలు సర్దిచెప్పి ఆమెను మళ్లీ భర్త దగ్గరికి పంపించారు. ఆ తర్వాత కూడా అమరేందర్, అనురాధ మధ్య గొడవలు ఆగలేదు. దీంతో మంగళవారం ఆమె కొడుకుని తీసుకుని ఇంట్లో నుంచి వెళ్లిపోయింది. కుటుంబసభ్యుల కంప్లయింట్ మేరకు కేసు ఫైల్ చేసి దర్యాప్తు చేస్తున్నట్లు పోలీసులు తెలిపారు.
