- కాకా అంబేద్కర్ ఇనిస్టిట్యూషన్స్ కరస్పాండెంట్ సరోజావివేక్
ముషీరాబాద్, వెలుగు : విద్యార్థులు చదువులో రాణిస్తూ.. దేశ నిర్మాణంలో కీలక పాత్ర పోషించాలని కాకా డాక్టర్ బీఆర్ అంబేద్కర్ ఇనిస్టిట్యూషన్స్ కరస్పాండెంట్ జి.సరోజ వివేక్ ఆకాంక్షించారు. శనివారం బాగ్ లింగంపల్లిలోని కాలేజీలో ఎంబీఏ స్టూడెంట్స్ఫ్రెషర్స్ డే వేడుకలు ఘనంగా జరిగాయి. ఇనిస్టిట్యూషన్స్జాయింట్ సెక్రటరీ పీవీ రమణ కుమార్ తో కలిసి సరోజావివేక్ పాల్గొని మాట్లాడారు.
విద్యతోనే కుటుంబం, రాష్ట్రం, దేశం అభివృద్ధి చెందుతుందని, ఆ విషయాన్ని విద్యార్థులు, తల్లిదండ్రులు గ్రహించాలన్నారు. క్రమం తప్పకుండా తరగతులకు హాజరైనప్పుడే వారిలో సృజనాత్మకత, ఆలోచన శక్తి పెరుగుతుందన్నారు.
విద్యార్థులు చదువుతోపాటు అన్ని ఈవెంట్లలో పాల్గొనాలని సూచించారు. అంబేద్కర్ఇనిస్టిట్యూషన్స్కు న్యాక్ గుర్తింపు వచ్చిన విషయాన్ని స్టూడెంట్లతో పంచుకుని ఆనందం వ్యక్తం చేశారు. అనంతరం స్టూడెంట్లు ఆటపాటలతో అదరగొట్టారు.
