- జాగృతి అధ్యక్షురాలు కవిత
హైదరాబాద్, వెలుగు: మహిళా బిల్లు పోస్ట్డేటెడ్ చెక్లా ఉందని తెలంగాణ జాగృతి అధ్యక్షురాలు కవిత విమర్శించారు. మహిళలకు ఓబీసీ కోటా లేకుండానే ఏకపక్షంగా బిల్లు పాస్ చేశారని గురువారం ఓ ప్రకటనలో పేర్కొన్నారు. డీలిమిటేషన్ను మహిళా బిల్లుకు ముడిపెట్టి పాస్ చేయడం ఏంటని ప్రశ్నించారు. దీనివల్ల మొన్నటి పార్లమెంట్ ఎన్నికల్లో, ఆ తర్వాత జరిగిన 12 రాష్ట్రాల ఎన్నికల్లో మహిళలకు బిల్లు ప్రయోజనం దక్కలేదన్నారు.
ఇప్పుడేమో 2011 జనాభా లెక్కల ఆధారంగా రిజర్వేషన్లు కల్పిస్తామని చెబుతున్నారని, మహిళలకు మళ్లీ అన్యాయం జరుగుతుందని తెలిపారు. 2027 జనగణన తర్వాతే రిజర్వేషన్లు ప్రకటించాలని డిమాండ్ చేశారు. మహిళా బిల్లు పెట్టే రోజు ఉదయమే బిల్లు ప్రతులను పార్టీలకు ఇస్తే అభ్యంతరాలు చెప్పే అవకాశం ఉండదని పేర్కొన్నారు.
